ՍԴ աշխատակազմի նախկին ղեկավար Էդգար Ղազարյանը ֆեյսբուքյան իր էջում գրել է. «2022 թվականի մարտի 22-ն այլևս պատմական օր է ոչ միայն Հայաստանի Ազգային ժողովի, այլև համաշխարհային պառլամենտարիզմի պատմության մեջ։
ԱԺ «Քաղաքացիական պայմանագիր» խմբակցությունն Ազգային ժողովի անունից որոշում է ընդունել հանրային հետաքրքրություն ներկայացնող հարցի վերաբերյալ Ազգային ժողովի փակ նիստ հրավիրելու մասին։ Ստացվում է, որ նրանց գիտակցությանը հասել է խնդրի հանրային հնչեղությունն ու կարևորությունը, բայց որոշել են այն քննարկել հանրությունից գաղտնի։
Այսուհետ վստահ կարող ենք ասել, որ քաղաքական տգիտության փաստն այլևս ամրագրված է ավարտուն իրավական ակտ հանդիսացող Ազգային ժողովի որոշմամբ»։
English
Русский
