English
Русский
Կարծում եմ, որ եկել է ժամանակը խոստովանելու, որ մենք մինչև այս պահը չենք կարողացել մեր հայրենակիցներին համոզել կամ պարտադրել, որ նրանք պահեն հակահամաճարակային ամենապրիմիտիվ, ամենաարդյունավետ միջոցը, խոսքը դիմակ կրելու մասին է:
Այս մասին ճեպազրույցի ժամանակ հայտարարեց Նիկոլ Փաշինյանը:
«Պետք է արձնագրենք, որ ՀՀ-ում, ի հեճուկս պարետատան որոշումների, կիրառվող վարչական վարույթների, լայնածավալ քարոզչության, կառավարության գործունեության թափանցիկության, ՀՀ-ում մարդիկ զանգվածաբար չեն կրում դիմակներ: Սա ՀՀ-ում կորոնավիրուսի համաճարակի տարածման թիվ մեկ պատճառն է: Նման եզրակացություն անելու համար մենք ունենք միջազգային հետազոտություն, որը հրապարակել է «Ֆորբս» ամսագիրը»,-ասաց Փաշինյանը:
Ամսագիրը գրել է, որ դիմակները վճռորոշ ազդեցություն ունեն ու թույլ են տալիս էականորեն կրճատել դրա տարածումը:
Դիմակները անհրաժեշտ են նաև առողջ մարդկանց, քանի որ թույլ են տալիս չշնչել վարակվածների արտաշնչած մթնոլորտային մասնիկները, որոնք օդում կարող են մնալ տասնյակ րոպեներ. «Սա հաջորդ սենսացիոն արձանագրումն է»:
Վարչապետի խոսքերով, եթե վարակակիրն անցնում է ինչ-որ տեղով, 10 րոպե հետո նույն տեղով անցնում է առողջ մարդը, ով դիմակ չի կրում, նա կարող է վարակվել կորոնավիրուսով:
