Մի շարք հեռուստաընկերություններին տված հարցազրույցում «Հայրենիքի փրկության» շարժման վարչապետի թեկնածու Վազգեն Մանուկյանը նշել է, որ ժամանակավոր կառավարության համար ընտրվել է 1 տարի ժամկետ, որովհետև, ըստ նրա, այժմ արտահերթ խորհրդարանական ընտրություններն անցկացնելն «անհեթեթություն է», քանի որ «երկիրն այն վիճակում է, երբ կան հրատապ հարցեր, հոգեբանական ճնշում, կավելանա կուսակցությունների՝ իրար դեմ պայքարը, ինչն էլ կնշանակի ուղղակի կործանել Հայաստանը»:
Հարցին, թե ինքն ինչպե՞ս է պատկերացնում Նիկոլ Փաշինյանի հեռացումը, Մանուկյանը պատասխանել է․ «Նիկոլ Փաշինյանից կարող ենք ազատվել հետևյալ դեպքերում՝ ինքնակամ գնա, որի հավանականությունը քիչ եմ տեսնում, չնայած չեմ բացառում, երկրորդ՝ որ հասարակությունն այնքան համախմբված է իր գնալու շուրջ, որ ինքը, միգուցե, չի գիտակցում, բայց իր կուսակիցներն են գիտակցում և իմփիչմենթի միջոցով նրան հեռացնում են պաշտոնից, դա էլ է հնարավոր»:
Մանրամասները՝ տեսանյութում:
English
Русский
