Ահաբեկչություն Ֆրանսիայում. Անհայտ անձը Փարիզում ուսուցչի է գլխատել (Տեսանյութ)

Անհայտ անձը Փարիզի մոտակայքում գլխատել է ուսուցչի, գրում է AFP-ն՝ հղում անելով իրավապահ մարմինների տվյալներին: Կասկածյալին գնդակահարել են ոստիկանության աշխատակիցները:

Նշվում է, որ ներկայումս ընթանում է հակաահաբեկչական քննություն:

Ինչպես գրում է գործակալությունը՝ հղում անելով ոստիկանության տվյալներիին, զոհը դպրոցում ցույց է տվել Մուհամեդ մարգարեի ծաղրանկարները:

Բացի այդ՝ իրավապահ մարմինների աղբյուրը պարզաբանել են, որ հանցագործը վանկարկել է իսլամիստական կարգախոսներ:

Ֆրանսիայի նախագահ Էմանուել Մակրոնը ժամանել է հանցագործության վայր, հայտնում է BFMTV-ն:

Գլխատված պրոֆեսորը «իսլամիստական ահաբեկչության» զոհ է դարձել, հայտարարել է Մակրոնը:

Նրա խոսքով՝ տղամարդը սպանվել է, քանի որ «սովորեցնում էր խոսքի ազատություն»:

Ըստ РИА Новости-ի՝ Փարիզում Ռուսաստանի դեսպանատունը ներկայումս ստուգում է ենթադրյալ հանցագործի Ռուսաստանի քաղաքացիության մասին լրատվամիջոցների հաղորդագրությունները:

Սեպտեմբերին անհայտ անձը դանակահարել էր անցորդներին՝ «Charlie Hebdo»-ի նախկին շենքի մոտ:

Միջադեպի հետևանքով չորս մարդ վիրավորվել էր, նրանցից երկուսի վիճակը ծայրահեղ ծանր էր: