Ովքեր կարող են օգտվել տնտեսական հետևանքների չեզոքացման 10-րդ ծրագրից

Ովքեր կարող են օգտվել տնտեսական հետևանքների չեզոքացման 10-րդ ծրագրից

Հասարակական Ipress 2020-04-17 13:49:00 4464
Հետևեք մեզ՝ Telegram-ում
zn_vHoPw.png

Կառավարությունը ապրիլի 9-ին հաստատեց կորոնավիրուսի տնտեսական հետևանքների չեզոքացման 10-րդ միջոցառումը, որով նախատեսված է աջակցել միկրոձեռնարկատերերին:

Այս միջոցառման շրջանակում նախատեսվում է օժանդակություն տրամադրել միկրոձեռնարկատերերին, այսինքն՝ փոքր բիզնեսով զբաղվողներին, ընդ որում՝ ինչպես անհատ ձեռնարկատեր կամ ռեզիդենտ առևտրային կազմակերպության կարգավիճակ ունեցող միկրոձեռնարկատերերին, այնպես էլ անհատ ձեռնարկատեր չհանդիսացող միկրոձեռնարկատիրություններին։

Աջակցությունը նախատեսված է միկրոբիզնեսով զբաղցող այն անհատների համար, որոնք նախորդ տարվա ընթացքում հանդիսացել են ընտանեկան ձեռնարկատիրության սուբյեկտ կամ ինքնազբաղված անձ, կամ անհատ ձեռնարկատեր չհանդիսացող ֆիզիկական անձ։

Անհատ ձեռնարկատեր չհանդիսացող միկրոբիզնեսով զբաղցող անհատները, ՀՀ հարկային օրենսգրքի համաձայն, առհասարակ, ՀԴՄ  կտրոններ չեն գործածում:  Եվ վերջիններիս  համար կառավարության որոշմամբ սահմանված է միանվագ ամսական նվազագույն աշխատավարձի չափով աջակցություն, որը կախված չէ նրանց շրջանառությունից։
 

Поделиться
Класс
Send