Իրավաբան Գոհար Մելոյանը ֆեյսբուքյան իր էջում գրել է.
«ՀՀ ոստիկանություն, խնդրում եմ շտապ պարզաբանում ներկայացնել, թե ովքե՞ր են այս անհայտ համազգեստով մարդիկ։
Ոստիկանները պարտավոր են կրել օրենքով սահմանված համազգեստ: Մանրամասնեմ. «Ոստիկանության մասին», «Ոստիկանության զորքերի մասին», «Ոստիկանության ծառայության մասին» օրենքները պարտավորեցնում են կրել ոստիկանական համազգեստ։
Դիցուք՝ «Ոստիկանության զորքերի մասին» օրենքի 14-րդ հոդվածի համաձայն՝ հասարակական կարգի պահպանության ապահովմանը մասնակցելիս ոստիկանության զորքերի զինծառայողները պարտավոր են կրել սահմանված ձևի համազգեստ, որի վրա տեսանելի մասում փակցվում են ոստիկանության զորքերի զինծառայողին անձնապես նույնականացնելու հնարավորություն տվող տարբերանշաններ:
Հարգելի պարոն Արման Թաթոյան, խնդրում եմ հետևողական լինել, և, եթե հնարավոր է հանրությանն իրազեկել, թե ովքեր են այս չինական հանդերձանքով՝ մարդկանց ազատությունը սահմանափակելով բռնություն կիրառողները»:
English
Русский
