Ով է վճարելու քաղաքացու ՊՇՌ թեստի համար. նախարար

Առողջապահության նախարարի խոսքով քաղաքացու փոխարեն կարող է նաև նրա բարեկամը վճարել։ Պետությունը կամ գործատուն քաղաքացու ՊՇՌ թեստի համար վճարելու որևէ պարտավրվածություն չունեն։

Այս մասին այսօր լրագրողների հետ ճեպազրույցում ասել է ՀՀ առողջապահության նախարար Անահիտ Ավանեսյանը մեկնաբանելով Սահմանադրական դատարանի որոշումը, որով նախարարի հրամանի վճարմանը վերաբերող «իր հաշվին» արտահայտությունը որակվել էր ՀՀ Սահմանադրությանը հակասող։

«Այո՛, քաղաքացու փոխարեն կարող է նաև նրա բարեկամը վճարել։ Պետության կամ գործատուի կողմից նման ծախս վերցնելու որևէ պարտավորություն չկա։ Այն բոլոր ծախսերը, որ պետության կողմից չեն իրականացվում, պարզ է, որ իրականացվում են մասնավոր հիմունքներով` քաղաքացիների կամ այլ անձանց կողմից»,– ասաց Ավանեսյանը։