Made in Artsakh. Օգնություն Արցախից ԱՄՆ-ին՝ Covid-19-ի դեմ պայքարում

Արցախի ժողովրդի անունից ԱՀ-ում արտադրված բժշկական նշանակության պարագաներ են ուղարկվել Կալիֆոռնիա նահանգ՝ օգնելու ԱՄՆ ժողովրդին և տեղի հայերին՝ կորոնավիրուսի համավարակի դեմ պայքարում, հայտնել է պատգամավոր Դավիթ Մելքումյանը։

«Օգնությունը, իհարկե, մեծ չի լինի և խորհրդանշական բնույթ կկրի, բայց դրանով Արցախի Հանրապետությունն իր հնարավորությունների սահմաններում կմիանա Covid-19 համավարակի դեմ համաշխարհային պայքարին»,- գրել է նա։

Արցախի տեղեկատվական շտաբից հայտնում են, որ Made in Artsakh վերարտադրությամբ դիմակներ և ալկոգելեր են ուղարկվելու ԱՄՆ։

Արցախում կորոնավիրուսի հաստտաված դեպքերի թիվը հասել է 118-ի, 87 հոգի առողջացել է, մահվան դեպքեր չկան։ ԱՄՆ-ն վարակակիրների թվով աշխարհում առաջատարն է, այնտեղ վիրուսը հաստատվել է 2․6 մլն-ից ավելի մարդու մոտ։