Նոր մանրամասներ. Արթիկում կորոնավիրուսով վարակվածը տաքսու վարորդ է

Ինչպես արդեն հայտնել ենք, այսօր Արթիկ համայնքում կորոնավիրուսի մեկ դեպք է հաստատվել:

 ArmLur.am-ին հայտնի դարձավ, որ Արթիկ համայնքում վարակված անձը եղել է տաքսու վարորդ։

Ըստ մեզ հասած տեղեկությունների՝ տաքսու վարորդը Մարալիկ համայնքից ուղևորներ է տեղափոխել և ամենայն հավանականությամբ այնտեղից բերել է վարակը համայնք։ Նա 65 տարեկան է, ունի մեծ ընտանիք։ Մենք տեղեկացանք, որ  նրա հարսը հղի է, ում ևս պետք է թեստավորեն։

  Ըստ աղբյուրի տեղեկությունների` 65-ամյա տղամարդու մոտ երկկողմանի թոքաբորբ է, նրան գիշերն են տեղափոխել հիվանդանոց, որից հետո կորոնավիրուսի թեստը դրական արդյունք է տվել։  Այս պահին կատարվում են աշխատանքներ վերջինիս շփման շրջանակը պարզելու համար։

Հիշեցնենք, որ Հայաստանում ապրիլի 25-ին՝ ժամը 11:00-ի դրությամբ նոր կորոնավիրուսով վարակվելու 81 նոր դեպք է գրանցվել: