Ծառուկյանը Քոչարյանի օպերատորն է. Նա անսկզբունք մարդ է, ինչ ասել են, նա էլ անում է

Ծառուկյանը Քոչարյանի օպերատորն է. Նա անսկզբունք մարդ է, ինչ ասել են, նա էլ անում է

Քաղաքական Ipress 2020-06-17 21:02:00 1557
Հետևեք մեզ՝ Telegram-ում
bs_1KUBD.jpg

«Առաջին լրատվական»-ի զրուցակիցն է ՀՀԿ-ական նախկին պատգամավոր, գործարար Աշոտ Աղաբաբյանը։

– Պարոն Աղաբաբյան, Հայաստանում սրված համաճարակային իրավիճակին զուգահեռ բավական ակտիվ ներքաղաքական զարգացումներ են ընթանում։ Կարծես թե ընդդիմադիր նոր բևեռ է ձևավորվում. Ծառուկյանի շուրջ իրադարձություններ են զարգանում։ Ինչպե՞ս եք գնահատում այս ամենը։

– Ծառուկյանի հետ կապված գործողությունները, ստուգումները, քրեական գործերը ճիշտ են։ Կառավարությունը ճիշտ է վարվում, իսկ ԲՀԿ-ն ուղղակի ուզում է  փրփուրներից  կախվել։ Հետագա զարգացումները ավելի պարզ ցույց կտան ամեն ինչ։

Ընտրակաշառքի  թղթեր են ներգրավված, բացահայտված, որը ավելի խայտառակ երևույթ է, քան պետությունից գումար  թաքցնելը։ Քաղաքականության մեջ ընտրակաշառք բաժանելն ավելի խայտառակ բան է։

– Բայց ՀՀԿ-ն նախորդ բոլոր ընտրությունների ժամանակ իշխանության է մնացել բացառապես ընտրակաշառք բաժանելու գնով։ Չե՞ք կարծում, որ եթե ընտրակաշառքի դրվագ է  բացահայտվում, ապա դա չպետք է վերաբերի միայն ԲՀԿ-ին, այլ նաև ՀՀԿ-ին ու այդ ճանապարհով անցած մնացյալ կուսակցություններին։

– Ես նախկին հանրապետական եմ եղել, բայց երբեք կաշառք չեմ բաժանել։

– Խոսքը հենց Ձեր անձի մասին չէ, այլ կուսակցության, քաղաքական ուժի։

– Ես, օրինակ, օգնել եմ գյուղացիներին։ Սալյարկա եմ տվել, որ վարուցանք անեն, տրակտորներ եմ առել տվել։ Դա ուրիշ բան է։ Դա հոգու կամեցողություն է։ Իսկ հիմա «Բարգավաճի» վրա է գործ հարուցվել, քանի որ հեղափոխությունից հետո էլ իրենք պառլամենտում երկրորդ ուժն են։ Ու դրան զուգահեռ փաստեր են ի հայտ եկել, պարզ է դարձել, թե ինչ ճանապարհով են իրենք ժամանակին հայտնվել խորհրդարանում, ցուցակներ, կոնկրետ թվեր են հանել։ Եթե ԲՀԿ-ի  ընտրակաշառքն ապացուցվում է, ապա քրեական գործ է հարուցվում։ Իսկ եթե վաղը կապացուցվի, որ ՀՀԿ-ն էլ է բաժանել, ՀՀԿ-ի վրա էլ քրեական գործ կհարուցվի։ Անհատական էլ կհարուցվի, կուսակցության վրա էլ կհարուցվի։ Կուսակցությունը իր քաղաքական ուժը չպետք է օգտագործի իր անձնական շահերի համար, այլ երկրի ու ժողովրդի։ Իսկ քանի որ իրենք էդ կուսակցությունը ստեղծել էին իրենց անձնական շահերը պաշտպանելու համար, դրա համար էլ նման ելք է լինում։

– Գագիկ Ծառուկյանն ու մնացյալ ԲՀԿ-ականները պնդում են, որ քաղաքական հետապնդում է իրականացվում, քանի որ իրենք պահանջում են կառավարության ու վարչապետի հրաժարականը։

– Ես Ձեզ ասեմ, որ դա սերժաքոչարյանական ուժերն են։ Ծառուկյանը ընդամենը Քոչարյանի օպերատորն է։ Իրենք սարքեցին, որ Ծառուկյանը նման ելույթ ունենար, նման հայտարարություններ աներ, որ իբր մականուն ունեցող դոդի Գագոն ու Նիկոլ Փաշինյանը հավասար են, նույն քաղաքական կշիռն ունեն։ Բայց նրանք տարբեր բևեռներ ունեն և համեմատելի չեն։ Պարզապես կառավարության, պետության դեմ հալածանքներ են սկսվել, թե իբր պետությունը կործանվում է և այլն։ Չկա նման բան։

Հակառակը՝ պետությունը հզորանում է, իսկ մեր երկրի առաջվա կործանարարները ընդամենը  չեն հաշտվում դրա հետ։ Նրանց բոլոր հայտարարությունները, ելույթները, քաղաքական քայլերը  ուղղված են պետության դեմ, որը ազգի դավաճանություն է։

Պետության դեմ գործելը դավաճանություն է։ Քաղաքական ուժը իշխանության գործողություններին պետք է դեմ լինի, այլ ոչ թե պետությանը։ Ժողովրդի ընտրյալը եկել, իշխանություն է վարում։ Նրա վարած քաղաքականությունը կարելի է քննադատել։

Քննադատելը քաղաքական քայլ է, բայց պետության դեմ գործելը լրիվ ուրիշ բան է, դա քաղաքականություն չէ։

– Դուք ասացիք, որ Ծառուկյանը ընդամենը Քոչարյանի օպերատորն է։ Ուզում եք ասել, որ Ծառուկյանին օգտագործո՞ւմ են Քոչարյանն ու մյուսները։

– Իհարկե։ Նա օպերատոր է։ Ոնց է բիզնեսում՝ մեկին օպերատոր են նշանակում։ Այդպես էլ հիմա Ծառուկյանին մյուսները օպերատոր են կարգել, քանի որ ԲՀԿ-ն իրենց համար բիզնես է, իսկ Ծառուկյանն էլ այդ բիզնեսում օպերատորություն է անում։ Թե չէ այդ երբ  Ծառուկյանը դարձավ քաղաքական գործիչ, այդ ոնց նրան բերին նշանակեցին «Բարգավաճի» ղեկավար։ Ծառուկյանը ղեկավար չի, նա ղեկավարվող է։ Իսկ եթե ղեկավարվող չլիներ, իրեն  այդ օպերատորի պաշտոնը չէին տա։ Ոչ  ոք չի մոռացել 2015 թվականը, երբ հանրապետականները նրան բացահայտ հռչակեցին դոդի Գագո։

– Ի տարբերություն 2015-ի, Ծառուկյանն ասում է, որ այս անգամ մինչև վերջ է գնալու։ Անբարոյականի զավակ լինեմ, եթե հետ կանգնեմ՝ հայտարարեց նա։

– Հեսա կտեսնենք, թե ոնց էլի կհրաժարվի էս ամենից, ոնց հետ կկանգնի, բայց այս անգամ դա չի ներվելու։ Նախկինում ֆինանսական, տնտեսական փոխհարաբերություններ կային, բայց հիմա դա չկա։ Նիկոլը հայտարարել է, որ  եթե ինքը կոռուպցիայի  հետ գործ ունենա, իրեն հրապարակային կախաղան բարձրացնեն։ Նիկոլը Սերժ չի։ Նրանք տարբեր մարդիկ են։ Նիկոլը նատուրալնի հայ է։ Հիմա կտեսնենք՝ ինչ կլինի։ Ծառուկյանին ինչ ասել են, նա է անում։ Նա անսկզբունք մարդ է։ Հիմա ուղղակի էլ չի կարող գալ հուշագիր ստորագրել։ Ընտրություններից առաջ ժողովուրդը կանգնած էր, իրեն ձայներ էր պետք, եկավ Նիկոլի հետ բարիշեց, բայց բանից պարզվեց, որ նա դրա արժեքն էլ չհասկացավ։ Իմ կարծիքով՝ Ծառուկյանին պետք է զրկել անձեռնմխելիությունից և հարուցված քրեական գործերի շրջանակներում նրան կալանավորել։

– Պարոն Աղաբաբյան, բայց այն, որ ԲՀԿ-ն, ՀՀԿ-ն ու մյուս ուժերը ընտրությունների ժամանակ ընտրակաշառք էին բաժանում՝ հայտնի էր բոլորին։ Ի՞նչ իմաստ կար հեղափոխությունից հետո սպասել ևս երկու տարի։ Կամ մյուս դրվագներով հնարավոր չէ՞ր ավելի վաղ այդ ամենը բացահայտել։ Չե՞ք կարծում, որ հենց այս փաստն է նրանց թույլ տալիս շահարկել քաղաքական հետապնդումների մասին պնդումները։

– Կիսատ գործ չի թողնվելու։ Այդ ամենը ջրի երես էր պետք հանել։ Դրա համար ժամանակ էր պետք։ Այդ ամենը արվում է նաև մնացածի հետ։ Ուղղակի մի քիչ ժամանակ է պետք ապացույցներ ճարելու, քննություն իրականացնելու համար։ Մարդիկ 30 տարի շարունակ թալանել են այս երկիրը ու միլիարդատեր են դարձել և հիմա պետք է մարդկանց պատասխան տան, թե դա ինչպես  է եղել։

Поделиться
Класс
Send
hasmandamutyun_zwdYI.jpg

Փետրվարի մեկից կփոխվեն հաշմանդամության խումբ սահմանելու չափորոշիչները

surb-sargis_nVtbk.jpg

Այս տարի երբ է նշվելու Սուրբ Սարգիս զորավորի տոնը

06bacbc7-5fc3-407e-8da3-65a612f8adc7_8jxmG.jpeg

«Մահվանդ պահին ուժեղ մկանային ցնցում եմ ապրել, հազիվ էի կարողանում շնչել»․ զոհված զինվորի հոր հուզիչ նամակը՝ որդուն

bd40d16d-c0aa-4437-833a-a646cdf94253_ucQSA.jpeg

Զինծառայող է վիրավորվել. Նրա Վիճակը ծայրահեղ ծանր է

avet_1d22p.jpg

Ինչ գերշքեղ նվեր է տվել Ավետ Բարսեղյանը Նազենի Հովհաննիսյանին

sofi-devoyan_EjLUT.jpg

Սոֆի Դևոյանի լողազգեստով գերշքեղ հանգիստը Դուբայում

malatia-1_IAaUQ.jpg

30 տարի էս տոնավաճառին բան չէր պատահել ու հանկարծ ինքը եկավ ու որոշեց, որ պատահելու է

rubli_iSSqR.jpeg

Ռուբլու և դոլարի նոր փոխարժեքներ սահմանեց Կենտրոնական բանկը

malatia_661wK.jpg

«Մալաթիա» տոնավաճառի գործունեությունը կկասեցվի. առևտրականները զայրացած են. ՏԵՍԱՆՅՈՒԹ

papikyan-1_fz70o.jpg

ՊՆ-ն պարզաբանում է Սուրեն Պապիկյանին վերագրվող առանձնատան տեղեկությանը

vraert_wsiT-.jpg

Մահվան ելքով վրաերթ․ Վարորդը ոչ սթափ վիճակում վրաերթի է ենթարկել հետիոտնին, վերջինս տեղում մահացել է

banak_FvEGs.jpg

«Իրենց թունավորել են, իրենք մահացած են եղել, նոր բենզինը լցրել են». հրդեհից մահացած զինծառայողի ծնողներ

Կրթություն 1197

Հայտնի են գարնանային արձակուրդի օրերը և տևողությունը

Իրադարձային 846

Լույսերը անջատել եք, որ էս երեխեքն էլ կոտորվե՞ն․ պոստ ենք պահում

Բանակ 837

Զինծառայող է վիրավորվել. Նրա Վիճակը ծայրահեղ ծանր է

Բանակ 459

«Իրենց թունավորել են, իրենք մահացած են եղել, նոր բենզինը լցրել են». հրդեհից մահացած զինծառայողի ծնողներ

Իրադարձային 414

30 տարի էս տոնավաճառին բան չէր պատահել ու հանկարծ ինքը եկավ ու որոշեց, որ պատահելու է

Life 408

Ինչ գերշքեղ նվեր է տվել Ավետ Բարսեղյանը Նազենի Հովհաննիսյանին

Քաղաքական 393

Սուրեն Պապիկյանի դղյակը. Մանուել Մանուկյան․ ՖՈՏՈ

Իրադարձային 351

Պարեկների և բժիշկների  շնորհիվ՝ անգիտակից վիճակում փողոցում գտնվող հղի կնոջ ու նրա պտղի կյանքը հնարավոր է եղել փրկել․ ՖՈՏՈ

Բանակ 339

Ուրախ լուր. Օրերս այրվածքներ ստացած Գարուշ Սարգսյանի կյանքին վտանգ չի սպառնում

Բանակ 336

Հրդեհի հետեւանքով մահացած Սերգեյը անճանաչելի է եղել. ԴՆԹ անալիզ է նշանակվել