Անհավատալի տեսարան՝ Մոսկվայի կենտրոնական հանրախանութի դարակները դատարկվել են

Մոսկվայի կենտրոնական հանրախանութում տարբեր շքեղ ապրանքանիշերի դարակները դատարկվել են: Տեսանյութը հրապարակել է RT Telegram ալիքը։

Տեղադրված շրջանակներից երևում է, որ Louis Vuitton, Dior, Fendi, Prada, Gucci և Chanel բուտիկների  դարակներին իսպառ բացակայում են հագուստները, կոշիկները և աքսեսուարները։ Հայտնի է, որ նախկինում նշված ընկերությունները փակվել են Ռուսաստանում՝ Ուկրաինայի տարածքում տեղի ունեցող ռազմական գործողությունների պատճառով։

Հանգստյան օրերին տասնյակ խոշոր արևմտյան ընկերություններ հայտնել են Ռուսաստանում աշխատանքի տարբեր սահմանափակումների մասին: Մասնավորապես, McDonald’s-ը հայտարարել է ռեստորանների փակման մասին, ֆիննական Valio և Paulig ընկերությունները հայտարարեցին մատակարարումների դադարեցման մասին, Adidas, Puma, OBI և Estee Lauder խանութները դադարեցին աշխատել։

Ռուս գնորդների համար վաճառքի կասեցման մասին հայտարարել են նաև օտարերկրյա մանրածախ հարթակները՝ Net-a-Porter, Mr Porter, Yoox և The Outnet: Նմանատիպ իրավիճակ եղավ Hermes, Louis Vuitton, Mango, Asos, Nike, Adidas, Puma և այլ խոշոր ընկերությունների նորաձևության ապրանքանիշերի դեպքում։