Միքայել Մինասյանը գրառում է արել.ՖՈՏՈ

Միքայել Մինասյանը գրառում է արել.ՖՈՏՈ

Հասարակական Ipress 2020-05-09 19:26:00 453
Հետևեք մեզ՝ Telegram-ում
dyii_1hR0T.jpg

Սուրբ Աթոռում ՀՀ նախկին դեսպան Միքայել Մինասյանը իր ֆեյսբուքյան էջում գրել է․

«Սիրելի՛ հայրենակիցներ,

Շնորհավորում եմ Հայրենական մեծ պատերազմում հաղթանակի առիթով։ Այս պատերազմում մեր պապերը աչքի ընկան բացառիկ հերոսությամբ՝ մասնակցելով Մոսկվայի, Ստալինգրադի, Կուրսկի, Բեռլինի ճակատամարտերին, Կովկասի, Կերչի ու Ղրիմի համար մղվող մարտերին (որտեղ զոհվեց նաև մեծ պապս՝ Մկրտիչ Մինասյանը), Արևելյան Եվրոպայի ազատագրմանը ֆաշիստական լծից և վերջապես առանձին հայկական 89-րդ Թամանյանական դիվիզիայով մտան Բեռլին։

Պատերազմին միայն Խորհրդային Միությունից մասնակցել են 68 հայ գեներալներ, ԽՍՀՄ հերոսի կոչմանն են արժանացել 117, Փառքի շքանշանի լրիվ ասպետի կոչմանը՝ 27 հայորդիներ։ Սա դեռ ամբողջական ցանկը չէ. մենք ունեցել ենք ԽՍՀՄ կրկնակի հերոսներ ու լեգենդար գեներալ, ով գլխավոր ռազմաճակատներից մեկի հրամանատարն էր։ Սա պատմության էջ է, որին մեր պապերի մասնակցությունը հպարտանալու առիթ է տալիս, ընդհանուր հայրենիքի պաշտպանությանը ու դարչնագույն ժանտախտից եվրոպական ժողովուրդների ազատագրությանը մեր մասնակցությունը դարձնում է ոչ թե խորհրդանշական, այլ ճիշտ հակառակը՝ նշանակալի և անմոռանալի։ Ու որևէ մեկին չի հաջողվելու մեր հաղթանակի պատմությունը վերանայել ու կեղծել: Սա մե՛ր հաղթանակն է։ Սա մե՛ր տոնն է։

Հարգելի՛ հայրենակիցներ,

Շնորհավորում եմ Շուշիի ազատագրման և պաշտպանական բանակի ստեղծման առիթով։

Այդ օրերին, երբ մեր հայրերն ու ավագ եղբայրներն արեցին անհնարինը՝ ապացուցելով, որ կարող ենք պարտադրե՛լ, ոչ թե մուրալ խաղաղություն։

Այս առիթով շնորհավորում եմ այն ժամանակվա ազգային-պետական պատասխանատուներին` ՀՀ նախագահ Լևոն Տեր-Պետրոսյանին, Արցախի առաջնորդ Ռոբերտ Քոչարյանին, ՀՀ պաշտպանության նախարար երջանկահիշատակ Վազգեն Սարգսյանի ընտանիքին, ընկերներին ու համախոհներին, ԼՂՀ ինքնապաշտպանության կոմիտեի նախագահ Սերժ Սարգսյանին և օպերացիան ղեկավարած Արկադի Տեր-Թադևոսյանին, Սամվել Բաբայանին, Սեյրան Օհանյանին, Վալերի Չիթչյանին և Արկադի Կարապետյանին:

Անուրանալի է գործողությանը մասնակցած հրամանատարների` Ֆելիքս Գզողյանի, Աշոտ Ղուլյանի, Սամվել Կարապետյանի, Վալերի Բալայանի, Գագիկ Սարգսյանի, Ժորա Գասպարյանի, Ժիրայր Սեֆիլյանի, Սասուն Միքայելյանի և այլ հրամանատարների դերակատարությունը, ովքեր ապահովեցին և օժանդակեցին օպերացիայի ընթացքը՝ Մոնթեից մինչև Մանվել Գրիգորյան, Վիտալի Բալասանյանից մինչև Արթուր Աղաբեկյան ու Արշավիր Ղարամյան։

Հիրավի, անուրանալի է այդ տարիներին բանակաստեղծման ու բանակաշինության գործում պաշտպանության առաջին նախարարների՝ Վազգեն Սարգսյանի, Վազգեն Մանուկյանի և Սերժ Սարգսյանի ներդրումը։ Շնորհավորում և խոնարհվում եմ բոլոր այն մարդկանց հիշատակի առջև, ովքեր իրենց կյանքի գնով ապահովեցին այս մեծ հաղթանակն ու հպարտությունը:

Ուշադրություն դարձրեք այս պատկերին։ Սա պատմական օրերի խորհրդանշական վերամիավորում է, երբ բոլորդ մի բռունցք էիք ընդդեմ թշնամու։ 28 տարվա ընթացքում քաղաքականությունը ձեզ բաժանեց ճամբարների, դարձրեց հակառակորդներ, երբեմն՝ նույնիսկ թշնամիներ:

Այդ ընթացքում ձեզ համար աննկատ ձեր թիկունքում ու ձեր սխալների պատճառով եկավ մարդ, ով հետևողականորեն խաղալով ձեր իսկ տարաձայնությունների վրա, թուլացնելով ու թշնամացնելով ձեզ, ի վերջո հասավ իր նպատակին. նա տիրացավ ոչ միայն երկրին, այլև ձեր անցյալին, ներկային ու փորձում է տիրանալ նաև ձեր ապագային։ Նա հեգնում է ձեր սխրանքները, նա արհամարհում է ձեր ներկան և փորձում է ոչնչացնել ձեր ու ձեր սերունդների ապագան։

Դուք կարող եք փնտրել մեղավորներ, բայց Նիկոլ Փաշինյանը ձեր բոլորի սխալների հավաքական խորհրդանիշն է ու դրա հետևանքը։ Ես չէ, որ պիտի մատնանշեմ ձեր սխալները։ Այսօր այդ օրն էլ չէ։

Շուշիի ազատագրումից անցել է 28 տարի։ Եկել է նորից բռունցք դառնալու ժամանակը, հակառակ պարագայում՝ չէի ցանկանա, որ մեր զավակները ստիպված լինեին նորից ազատագրել Շուշին։ Ի վերջո, հաղթանակ է դառնում միայն այն ամենը, ինչ հնարավոր է լինում պահել ու պաշտպանել։

Փա՛ռք մեր նահատակներին և ողջ հերոսներին։

Աստված պահապան մեր երկիրը»:

Mikayel Minasyan-ի լուսանկարը:

Поделиться
Класс
Send
amdzrev-e-galis_ybcUo.jpg

Որքան կպահպանվի անձրևային եղանակը

jranjatum__1AVj.jpg

Ջուր չի լինելու

lragroxin-heracrin_x-63Y.jpg

Անվտանգության աշխատակիցներ լրագրողին ուժի կիրառմամբ հեռացրեցին Բաղանիսի դպրոցի տարածքից․ ՏԵՍԱՆՅՈՒԹ

grigor-danielyan_JQMQy.jpg

Գրիգոր Դանիելյանի որդու Վերջին Զանգն է. Բացառիկ ու հուզիչ կադրեր

nikol-pashinyan-2_cY9SW.jpg

Նիկոլ Փաշինյանի ուղղաթիռն արտակարգ վայրէջք է կատարել Վանաձորում

nune-esayan_Iz6QB.jpg

«Չհասցրիր ապրել քեզ համար, շատ ափսոս». Նունե Եսայանը ցшվալի լուր է հայտնում

dolar-rubli_I4QLk.jpg

Ինչ փոխարժեքներ այսօր սահմանեց ԿԲ-ն

luys-chi-lini_NdBLF.jpg

Երևանում և մարզերում լույս չի լինելու

haytnabervel-e-marmin_S0vtu.jpg

Ողբերգական դեպք Երևանում․ Հայտնաբերվել է որպես անհայտ որոնվող քաղաքացու մարմինը

jranjatum-3_QPwyF.jpg

Ջուր չի լինելու հետևյալ հասցեներում

avtovtar-2_Wpewt.jpg

Արմավիրի մարզում «Վերջին զանգի» 19-ամյա մասնակիցը վթարի է ենթարկվել․ ՖՈՏՈ

gagik-surenyan-1_6AQCh.jpg

Ինչպիսի եղանակ է սպասվում Հայաստանում

Life 122265

Մեծ ու շքեղ. Քրիստինան ցույց է տվել իրենց նոր տունը

Միջազգային 78369

«Մոյկա» գետն ընկած ավտոբուսի միակ ողջ մնացած ուղևորը պատմել է վթարի մասին

Իրադարձային 76548

Ողբերգական դեպք՝ Երևանում. Թիվ 39 երթուղին սպասարկող ավտոբուսում ուղևորը մահացել է

Հասարակական 46995

Կարևոր՝ վարորդների համար․ փոփոխություն մեքենաների ապակիների լուսաթափանցելիության հետ կապված

Հասարակական 40098

Հայտնի է Երևանի կենտրոնում բարձությունից ընկած երիտասարդի ինքնությունը

Իրադարձային 37290

Որտեղ են հայտնաբերվել Գյումրիում հրդեհից մահացած 3 և 5 տարեկան քույրերը․ Մանրամասներ ողբերգական դեպքից

Հասարակական 36321

Մայիսի 15-ից հունիսի 10-ը գազ չի լինելու

Իրադարձային 35655

Նոր մանրամասներ Արարատի մարզում տեղի ունեցած աղմկահարույց սպանության և սպանության փորձի դեպքից

Իրադարձային 32766

7-րդ դասարանի աշակերտուհին դպրոցից տեղափոխվել է «Աստղիկ» ԲԿ, որտեղ էլ մահացել է

Միջազգային 32448

Իրանի Յասուջ քաղաքում ձուկ է տեղացել․ Տեսանյութ