«Մի հարց այդպես էլ մնում է չբացահայտված»

Իրավապաշտպան Արթուր Սաքունցը գրում է. «Երևանի նոր քաղաքապետը ՔՊ-ի անդամ չի և քաղաքական մեծամասնությունը քաղաքապետ է ընտրում անկուսակցական անձի, եթե Մարությանի անկուսակցական դառնալը չընդունվեց նույն նմեծամասնության կողմից։

Հիմա եթե նոր անկուսակցական քաղաքապետին անվստահություն ուզենան հայտնել, կուսակցական պատկանելության փաստարկը չեն կարողանալու կիրառել․ հետաքրքիր է, թե ինչ փաստարկ են գտնելու։

Պատճառների մասին տարատեսակ մեկնաբանություններ արվեցին, դրանք կային, անկախ նրանից դրանք հիմնավոր էին, թե ոչ, ընդունելի էին, թե ոչ, գոնե դրանց մասին ասվեց։

Բայց այս ամբողջ պատմության հետ կապված մի հարց այդպես էլ մնում է չբացահայտված․ ո՞րն է եղել առիթը անվստահություն հայտնելու։

Այո, հենց առիթը, փաստը, որն այսպես կոչված համբերության բաժակը լցրել է․ ինչ որ հերթական հեռախոսազանգ, թե ինչ որ կոնկրետ հանգամանք։ Առանց առիթի նման գործընթաց չէր սկսվի հենց հիմա՝ Մարությանի ՔՊ-ից դուրս գալուց մոտ մեկ տարի անց»։