ԱՄՆ նախկին առաջին տիկին Մելանյա Թրամփը խախտել է ավանդույթը և անձամբ «շնորհակալություն» չի հայտնել Սպիտակ տան աշխատակիցներին, որոնք 4 տարի հոգ են տարել իր և իր ընտանիքի մասին: Այս մասին հայտնում է CNN-ը՝ վկայակոչելով իր երկու աղբյուրներին:
Ինչպես հեռուստաալիքը նշում է, խոսքն ավանդական երկտողի մասին է, որում առաջին տիկինն անձամբ իր ձեռքով պետք է «շնորհակալական խոսք» գրի:
Առաջին տիկինը հիմնականում անձնական երկտող է գրում այն աշխատակիցներին, որոնց հետ անձամբ շփվել և մտերմացել է: Ինչպես նշում են Սպիտակ տան աշխատակիցները, դա լավագույն նվերն է իրենց համար:
Հաղորդվում է, որ մոտ 80 աշխատակիցներ կարծում էին, որ իրենց ուղղված գրությունները հեղինակել է առաջին տիկինը, սակայն իրականում վերջինս արևելյան թևի աշխատակիցներից մեկին է հանձնարարվել պատրաստել դրանք, ապա ստորագրել է դրանց տակ:
English
Русский
