Հայկ Մարությանն ահազանգում է. հայտնի է ինչու.Տեսանյութ

Հայկ Մարությանն ահազանգում է. հայտնի է ինչու.Տեսանյութ

Հասարակական Ipress 2021-06-22 20:50:00 243
Հետևեք մեզ՝ Telegram-ում
ndhhhr_0CYlQ.jpg

Նախորդ տարվա դեկտեմբերից մինչև այսօր Աջափնյակ վարչական շրջանում իրավախախտման վերաբերյալ կազմվել է 60 վարչական արձանագրություն, որից 45-ը համայնքային հողամասի վրա, 15-ը՝ սեփական հանդիսացող հողամասի վրա։ Այս մասն ավելի հետաքրքիր է՝ քանդում և ապամոնտաժում է իրականացվել թվով 34 հասցեներում։

Այս մասին այսօր Երևանի ավագանու նիստում ասաց քաղաքապետ Հայկ Մարությանը՝ անդրադառնալով դիտարկմանը, թե Աջափնյակում օրեցօր ավելանում են ապօրինի կրպակներն ու շինությունները։

«Աջափնյակ վարչական շրջանում ապօրինի շինարարության հարցում գործում է հանցավոր խումբ, որում ներգրավված են բազմաթիվ մարդիկ պետական մարմիններից, դատական համակարգից, թաղային հեղինակություններ։ Նամակներ են ուղարկվել և՛ Գլխավոր դատախազին, և՛ ԱԱԾ տնօրենին, և՛ ոստիկանապետին, որտեղ կետ առ կետ նկարագրված են սխեմաները, թե ինչ սխեմաներով են գործում։ Այդ սխեմաների մեջ ներգրավված են բազմաթիվ մարդիկ տարբեր պետական մարմիններից, դատական համակարգից, թաղային հեղինակություններ։ Կներեք այս բառիս համար՝ մի մեծ բանդա է գործում, և մենք մեր լիազորությունների սահմաններում իսկապես ամեն ինչ անում ենք»,-ասաց նա։

Մարությանը նշեց՝ քաղաքապետարանի աշխատակիցների կյանքին վտանգ էր սպառնում. «Եթե այդ օրը մեր աշխատակիցները կանգ չառնեին, շատ հավանական էր, որ այդտեղ կարող էր մարդասպանություն տեղի ունենալ, որովհետև 40-50 հոգի ոչ սթափ վիճակում, զինված, մեր 7-8 մեր աշխատակից ու 3 ոստիկան, ուղղակի հարձակվել են իրենց վրա։ Սա արդեն աբսուրդի է հասնում»:

Վերջինս շեշտեց, որ քիչ է մնացել մինչ այն պահը, որ կտրուկ գործողություններ անեն:

Մանրամասները՝ տեսանյութում

Поделиться
Класс
Send