Վերջին անգամ Վարդենիսից դուրս եմ եկել փետրվարին. բժշկուհին մանրամասներ է ներկայացնում

Վերջին անգամ Վարդենիսից դուրս եմ եկել փետրվարին. բժշկուհին մանրամասներ է ներկայացնում

Հասարակական Ipress 2020-04-22 19:44:00 1290
Հետևեք մեզ՝ Telegram-ում
zb_Uj28G.jpg

ArmLur.am-ը զրուցել է Գեղարքունիքի մարզի Վարդենիս քաղաքի պոլիկլինիկայի բժշկուհի Լ․ Գ․-ի հետ, որը, ըստ տեղեկությունների, առաջին վարակակիրն է եղել, ում միջոցով քաղաքում տարածվել է վիրուսը: Սակայն բժշկուհին մեզ հետ զրույցում հայտարարեց, որ ինքը ոչ թե առաջին վարակակիրն է, այլ Վարդենիսում առաջին թեստավորվողը, որից հետո պարզ դարձավ, որ քաղաքում վիրուսը տարածվել է: Բժշկուհին մանրամասներ է ներկայացրել վիրուսի տարածման հետ կապված:

-Բժշկուհի, Դուք մեզ հետ զրույցում ասել էիք, որ պացիենտներից եք վարակվել: Այս ընթացքում, երբ մեկուսացած եք հիվանդանոցում, փորձել եք վերհիշել, թե մոտավորապես ո՞վ կարող էր վարակակիր լինել, որի հետ շփվել եք, որպեսզի կարողանան պարզել, թե որտեղ է օջախը:

-Ես այժմ Երեւանի օրթոպեդիկ հիվանդանոցում եմ, ես ցանկանում եմ մի քանի մանրամասներ ներկայացնել: Նախ, երբ իմ ինքնազգացողությունը վատացավ, ես խնդրեցի պոլիկլինիկայի տնօրեին, որպեսզի թեստովորում անենք, բանն այն է, որ մեր շրջաբերականում նշված էր, որ պետք է արտասահմանում եղած լինեին, կամ վարակակիրների հետ շփված լինեին, որպեսզի թեստավորում անեին: Ես բժշկուհուն ասեցի, որ տարբեր մարդիկ եկել են, հյուր են մնացել, գնացել եկել են տարբեր տեղերից, հո մենք չէինք կարող դրա մասին լրիվ իմանայինք։

Պացիենտները գալիս էին ու ասում, որ մենք ոչ մի տեղ չենք եղել եւ այլն, բայց ինչ իմանանք ճիշտն են ասել, թե չէ: Ես իմ տնօրենին ասացի, որ հավականություն կա հիվանդներ լինեն: Ասեց եղավ բժշկուհի ջան, ես անպայման կկազմակերպեմ թեստավորումը: Զանգեց, խնդրեց հիվանդանոցի տնօրենին, դա երեքշաբթի էր, երկուշաբթի գործի չեմ գնացել, երեքշաբթի կեսօրից հետո տնօրենն ասել էր` մենք կարող ենք թեստավորել: Գնացի, թեստավորվեցի, հինգշաբթի առավոտյան զանգեցին, ասացին քեզ մոտ բացասական է, ես էլ գնացի դեղ առա, եկա, որ նոր սկսվող թոքաբորբ էր ինձ մոտ, որպեսզի բուժեմ: Իրիկունը արդեն ինձ զանգեցին ու ասեցին, թե դրական է պատասխանը, ասեցի, բա ասել էիք բացասական էր, թե ինչ էին խառնել չգիտեմ, այդպես ասեցին: Ասեցին, չէ քեզ մոտ դրական է, պատրաստվի տանում ենք Երեւան: Ու եկանք Երեւան:

-Այսինքն մինչեւ որոշել են թեստավորել այդ ժամանակահտվածում, արդեն հասցրել են Ձեր շրջապատի մարդիկ վարակվել:

-Ես մի հետաքրքիր տեղեկություն ասեմ, ինձ հետ աշխատող, առավոտից իրիկուն իմ աշխատասենյակում գտնվող բուժքույրերի մոտ թեստը բացասական է, ես աշխատում եմ նաեւ մանկական բաժնում, բժշկի սենյակում ենք եղել, մանկաբույժի մոտ էլ թեստը բացասական է: Ես իմունիզացիայի բուժքրոջ հետ եմ աշխատել, մատյաններ եմ նայել, քննարկել ենք, իր մոտ էլ է բացասական, այսինքն այն անձանց հետ որ աշխատել եմ իրենց մոտ բացասական է: Այսինքն իրենց մոտ էլ բացասական, երբ ես խնդիր եմ ունեցել մնացել եմ տանը, երկու օր հետո ինձ թեստավորել են, մնացածն էլ ասել եմ: Ես առաջին թեստավորվողն եմ եղել Վարդենիսում:

-Այդ դեպքում չեք փորձել հիշել, թե ո՞ւմ հետ եք շփվել, ումից հնարավոր էր վարակվել եք:

-Ուրեմն նայեք, ես հիվանդների վրա եմ կասկածում, որովհետեւ իմ շրջապատի, այն սերտ շփումները, որը ես ունեցել եմ վարակված չեն: Իրենց մոտ կրկնում եմ բացասական է եղել: Ես երբ թույլ եմ եղել, տուն եմ գնացել, տանն եմ եղել:

– Թեեւ Դուք հերքում եք, որ Վարդենիսից դուրս չեք եկել, սակայն կան պնդումներ, որ կրոնական հավաքի եք մասնակցել Էջմիածին քաղաքում, որը մինչ վերջերս համարվում էր վարակի ամենաակտիվ օջախը: Հիմա էլ եք պնդո՞ւմ, որ Վարդենիսից դուրս չեք եկել: Ի՞նչ ապացույցներ ունեք:

-Այո, ես պնդում եմ: Ես կրկնում եմ իմ չափորոշիչները, ես խնդրել եմ կողքի գյուղից, ծանոթի միջոցով ուղարկեն, ես այդքան ժամանակ չեմ ունեցել, որպեսզի գնամ ինքս բերեմ: Ես վերջին անգամ փետրվարին եմ դուրս եկել, Երեւան եմ եկել փետրվարի սկզբին մեքենայի գրանցման հարցերով: Ես դուրս չեմ եկել Վարդենիսից:

– Արդեն հայտնի է, որ Վարդենիսի հիվանդանոցում էլ են վարակվել: Ի՞նչի հետ եք շփում ունեցել այնտեղ եւ ո՞ւմ հետ:

-Վարդենիսի հիվանդանոցում, ես վերջին անգամ հիվանդին դուրս եմ գրել փետրվարի վերջ ու ես ժամանակ չեմ ունեցել, որ այնտեղ տանեմ, հիվանդ պառկեցնեմ: Այսինքն, երբ որ հիվանդ ունենամ, տանեմ այնտեղ հիվանդին ստուգեմ, հսկողության տակ վերցնեմ, ես լարված աշխատել եմ, հիվանդանոց չեմ էլ գնացել, այնտեղ գործ չեմ ունեցել: Պարզ է, որ այնտեղ էլ հիվանդներից է եղել, ոնց որ մենք ենք հիվանդներից վարակվել, նույն կերպ էլ իրենք են վարակվել: Մարդիկ կան, հարցնում էի դրսի հետ շփումներ ունեցել եք, հիվանդների հետ շփվել եք, հյուրեր ունեցել եք, մուննաթ գալով հայտարարում էին, ուր պետք է գնայի՝ գոմից տուն, տնից գոմ: Շատ տարբեր հիվանդների հետ ենք շփվել, շատ իմանանք ճիշտ են ասել, թե սխալ:

– Դուք մեզ ասել էիք, որ Ձեզ թեստ չեն արել` հղում անելով մարզպետին, թե մարզում կորոնավիրուս չկա, հետեւաբար ցուցում չկա թեստ անելու․․․

-Ես, որ ասեցի թեստ անենք, ասեցին` ինչի ես դրա մասին մտածում, մարզում վիրուս չկա, ասի պետք է թեստավորենք, որ իմանանք կա, թե չկա: Ես իմ տնօրենի հետ եմ խոսել, որից հետո կազմակերպեցին: Ի դեպ, ռելոգի պատասխանն էլ բացասական է եկել, ռենտգենի վրա տեսանք բրոնխիտա: Ես տեսա սկզբում պատասխանը, ասեցին բացասական է, ես գնացի դեղեր առնելու, որպեսզի ինքս ինձ բուժեմ: Բայց հինգշաբթի այլ բան են ասել:

– Մինչ թեստավորվելը, խնդրում եմ հիշեք, դուք Վարդենիսում որտեղ եք եղել: Նշվում է, որ խանութ, դեղատուն, մատնահարդարի տուն, վարսավիրանոց եւ այլ տեղեր եք եղել: Մանրամասնեք խնդրում եմ:

-Ոչ, ես ոնց կարող էի հիվանդ նման տեղեր գնայի, ես առողջ ժամանակ եմ գնացել: Ամբողջ ցավը դա է, որ ես չեմ գնացել նման տեղեր, իմ մազերը վերջին օրերին իմ աղջիկն է հարդարել, քանի որ վարսավիրանոցը փակ էր, ես ոնց կարող էի նման հիվանդ ձեւով նման տեղեր գնայի, չկա նման բան:

– Ձեր փեսան ձեզ հետ երբ է շփվել. քանի որ նա էլ Վարդենիսի տուն Ինտերնատում է աշխատում, եւ այնտեղ եւս անհանգստություն կա:

-Այո, իմ փեսան աշխատում է տուն ինտերնատում, իմ փեսայի մոտ թեստը եկել է բացասական, հիմա իմ փեսան Ծաղկաձորում է: Ես զարմանում եմ մարդկանց ֆանտազիայի վրա, որ նման բան են ասում:

– Չլինելով վարդենիսցի` աշխատում եւ այսօր ապրում եք հեռավոր այդ քաղաքում, եւ հիմա Ձեզ քննադատում են վարակակիր լինելու ու մյուսներին վարակելու համար, քննադատություններին ինչպես եք վերաբերվում:

-Կրկնում եմ, ես շփվել եմ իմ կաբինետի բուժքույրերի հետ, որոնց մոտ թեստը բացասական է: Պացիենտների մասով չեմ կարող որեւէ բան ասել, շատերի ենք ընդունել: Ես կարծում եմ ինֆեկցիան անցել է աչքերի միջոցով, որովհետեւ վերջին օրերին իմ աչքերը անտանելի մռմռոց էր, ուժեղ այրոցներ ունեի, աչքերի շրջանում: Ես Վարդենիսում առաջին թեստավորվածն եմ, ոչ թե առաջին վարակակիրն եմ: Դրանք շատ տարբեր բաներ են: Ես անմիջապես անցել եմ գործի, իմ քույրը, որի հետ նույն սենյակում ենք քնել, իր մոտ եւս բացասական է: Ճշտումներ են պետք մտցնել տարածվող տեղեկություններին:

Поделиться
Класс
Send
avet_1d22p.jpg

Ինչ գերշքեղ նվեր է տվել Ավետ Բարսեղյանը Նազենի Հովհաննիսյանին

sofi-devoyan_EjLUT.jpg

Սոֆի Դևոյանի լողազգեստով գերշքեղ հանգիստը Դուբայում

malatia-1_IAaUQ.jpg

30 տարի էս տոնավաճառին բան չէր պատահել ու հանկարծ ինքը եկավ ու որոշեց, որ պատահելու է

rubli_iSSqR.jpeg

Ռուբլու և դոլարի նոր փոխարժեքներ սահմանեց Կենտրոնական բանկը

malatia_661wK.jpg

«Մալաթիա» տոնավաճառի գործունեությունը կկասեցվի. առևտրականները զայրացած են. ՏԵՍԱՆՅՈՒԹ

papikyan-1_fz70o.jpg

ՊՆ-ն պարզաբանում է Սուրեն Պապիկյանին վերագրվող առանձնատան տեղեկությանը

vraert_wsiT-.jpg

Մահվան ելքով վրաերթ․ Վարորդը ոչ սթափ վիճակում վրաերթի է ենթարկել հետիոտնին, վերջինս տեղում մահացել է

banak_FvEGs.jpg

«Իրենց թունավորել են, իրենք մահացած են եղել, նոր բենզինը լցրել են». հրդեհից մահացած զինծառայողի ծնողներ

papikyan_4DqRb.jpg

Սուրեն Պապիկյանի դղյակը. Մանուել Մանուկյան․ ՖՈՏՈ

prosyan_tXryI.jpg

Լույսերը անջատել եք, որ էս երեխեքն էլ կոտորվե՞ն․ պոստ ենք պահում

garus_qEPMD.jpg

Ուրախ լուր. Օրերս այրվածքներ ստացած Գարուշ Սարգսյանի կյանքին վտանգ չի սպառնում

zinvor-sergey_9t55Z.jpg

Հրդեհի հետեւանքով մահացած Սերգեյը անճանաչելի է եղել. ԴՆԹ անալիզ է նշանակվել

Կրթություն 1179

Հայտնի են գարնանային արձակուրդի օրերը և տևողությունը

Իրադարձային 834

Լույսերը անջատել եք, որ էս երեխեքն էլ կոտորվե՞ն․ պոստ ենք պահում

Տնտեսական 492

2023 թվականից ուժի մեջ մտնող գումարային փոփոխությունները

Բանակ 444

«Իրենց թունավորել են, իրենք մահացած են եղել, նոր բենզինը լցրել են». հրդեհից մահացած զինծառայողի ծնողներ

Իրադարձային 390

30 տարի էս տոնավաճառին բան չէր պատահել ու հանկարծ ինքը եկավ ու որոշեց, որ պատահելու է

Քաղաքական 363

Սուրեն Պապիկյանի դղյակը. Մանուել Մանուկյան․ ՖՈՏՈ

Իրադարձային 348

Պարեկների և բժիշկների  շնորհիվ՝ անգիտակից վիճակում փողոցում գտնվող հղի կնոջ ու նրա պտղի կյանքը հնարավոր է եղել փրկել․ ՖՈՏՈ

Բանակ 333

Ուրախ լուր. Օրերս այրվածքներ ստացած Գարուշ Սարգսյանի կյանքին վտանգ չի սպառնում

Բանակ 330

Հրդեհի հետեւանքով մահացած Սերգեյը անճանաչելի է եղել. ԴՆԹ անալիզ է նշանակվել

Life 309

Սոֆի Դևոյանի լողազգեստով գերշքեղ հանգիստը Դուբայում