English
Русский
ՀՀ պարետ Տիգրան Ավինյանի որոշմամբ` Երևանի Շենգավիթ վարչական շրջանի թիվ 134 մանկապարտեզը 5 օր չի աշխատի:
Որոշումն ընդունվել է ՀՀ կրթության տեսչական մարմնի հունիսի 23-ին իրականացված մշտադիտարկումների արդյունքների հիման վրա կազմված արձանագրությունները հաշվի առնելով:
Դրանց համաձայն մանկապարտեզում չեն պահպանվել հակահամաճարակային կանոնները:
ՀՀ ոստիկանության պետ Վահե Ղազարյանին հանձնարարվել է ապահովել մանկապարտեզի աշխատանքների դադարեցման պահանջների կատարման նկատմամբ վերահսկողությունը։
Հիշեցնենք՝ Երևանի քաղաքապետի որոշման համաձայն` հունիսի 22-ից Երևանում միայն 20 մանկապարտեզ է գործում, մյուսների գործունեությունը ժամանակավոր դադարեցված է: Յուրաքանչյուր վարչական շրջանում գործում է մեկ կամ երկու մանկապարտեզ, ուր անհրաժեշտության դեպքում կարող են հաճախել վարչական շրջանի մյուս բոլոր մանկապարտեզների երեխաները:
