ԱԺ «Իմ քայլը» խմբակցության պատգամավոր Սասուն Միքայելյանն այսօր ՀՀ փոխվարչապետ, պարետ Տիգրան Ավինյանին առաջարկեց հերձել կորոնավիրուսից մահացած մարդկանց, քանի որ հերձումը բժշկական շատ հարցերի պատասխան կտա:
ՀՀ պարետը համաձայն է պատգամավորի հետ, սակայն դիահերձման համար պետք է համապատասխան միջավայր ստեղծել, որպեսզի դիահերձման պատճառով դիահերձողների կյանքը չվտանգվի:
Պարետի խոսքով՝ մեկուկես ամիս հետո առողջապահության նախարարության հետ նման գործընթաց կնախաձեռնեն:
Հիշեցնենք՝ Ազգային ժողովը մարտի 31-ին երկրորդ ընթերցմամբ ընդունեց այն նախագիծը, որով առաջարկում է կորոնավիրուսից մահացածներին դիահերձում չիրականացնել։ 69 պատգամավոր միաձայն կողմ է քվեարկել: