Համատեղ հայտարարության որոշումն, ըստ էության, մարտական գործողությունների օպերատիվ կառավարման տրամանաբանության մեջ է տեղի ունեցել, Առաջին ալիքի եթերում ասաց ՀՀ վարչապետ Նիկոլ Փաշինյանը:
«Նույնն է, եթե ասենք՝ մեր ստորաբաժանումը ինչ-որ մի տարածքից հետ է քաշվել, կամ ինչ-որ տարածքում որոշել է գրոհել՝ ինչո՞ւ այդ հարցը չի քննարկվել ԱԺ-ում», - ասաց նա:
Փաշինյանի խոսքով՝ փաստաթութը ոչ միայն հանձնելու, որքան պահպանելու մասին է, ստեղծվել է մի իրավիճակում, երբ կանխատեսելի կորուստները, ռազմական գնահատականով, անխուսափելիորեն պետք է տեղի ունենային:
Անդրադառնալով քննարկումներին՝ վարչապետն ասաց, որ քննարկման տրամանաբանությունը պետք է հասկանալ.
«Ի՞նչ են առաջարկում անել՝ հետ պտտե՞լ, վերսկսե՞լ ռազմական գործողությունները, թե՞ ինչ սցենարով գնալ»:
Վարչապետի խոսքով՝ քննարկում, որպես այդպիսին, դեռ նոր պետք է սկսվի.
«Քննարկումը դիվանագիտական բնույթի է, դա, կարծում եմ, տեղի կունենա շատ երկար, որովհետև ուզում եմ բոլորի ուշադրությունը հրավիրել, որ սա ռազմական գործողությունների դադարի մասին փաստաթուղթ է»:
Փաշինյանն ընդգծեց, որ սա քաղաքական կարգավորման փաստաթուղթ չէ:
«Կան նախադասություններ, որոնք պետք է դառնան քաղաքական բովանդակություն: Այդ փուլում քննարկումներ տեղի կունենան, այդ դեպքում էլ քննարկման հիմանական ֆորմատը լինելու է կառավարության ներսում»:
English
Русский
