Կորոնավիրուսով վարակված եռյակ է ծնվել

Մեքսիկայում եռյակ նորածինների մոտ կորոնավիրուս է հայտնաբերվել: Այս մասին հայտնում է  Sol de México-ն:

Հաղորդվում է, որ երեխաները՝ երկու տղա ու մեկ աղջիկ, ծնվել են հունիսի 17 -ին՝ կեսարյան հատմամբ, երկրի Սան Լուիս Պոտոսի նահանգի հիվանդանոցում: Ըստ բժշկական ցուցման՝ նորածիններին թեստավորել են, պատասխանը դրական է եվղել, երեխաները COVID-19-ով վարակված են եղել:

Ամբողջ աշխարհում սա եզակի դեպք է, երբ նորածին եռյակները կորոնավիրուսով վարակված են լինում: Երկրի առողջապահության նախարարության նահանգային վարչության ղեկավար Միգել Անխել Լուտոս Ստեյները հայտնել է, որ երեխաներից մեկի մոտ նկատելի են կորոնավիրուսին բնորոշ ախտանշաններ: «Երկու երեխայի առողջական վիճակը գնահատվում է կայուն:

Միայն մեկի մոտ է ախտորոշվել թոքաբորբ»,- ասել է բժիշկը: