Իրանում վերջին 24 ժամում, կորոնավիրուսով պայմանավորված հիվանդությունից 121 մարդ է մահացել՝ երկրում համաճարակի բռնկման պահից ի վեր՝ մահացության ընդհանուր ցուցանիշը հասցնելով 4003-ի:
Ինչպես փոխանցում է CNN-ը, երկրում կորոնավիրուսով պայմանավորված իրավիճակի վերջին տվյալները՝ տեղի հեռուստատեսությամբ ներկայացրել է Առողջապահության նախարարության խոսնակ Քիանուշ Ջահանպուրը:
Նրա խոսքով՝ երկրում մեկ օրում գրանցվել է կորոնավիրուսով վարակման 1997 նոր դեպք: Վարակվածների ընդհանուր թիվը հասել է 64 586-ի: Ներկա պահին ակտիվ վարակակիր է 35 554 մարդ:
Կիրակի երկրում կորոնավիրուսով վարակման դեպքերի 4.5 տոկոս աճ է գրանցվել: Չորեքշաբթի այդ ցուցանիշը կազմել է 3.2 տոկոս: Worldometers կայքի տվյալներով՝ մահացության ցուցանիշն Իրանում կազմում է 3993 մարդ:
English
Русский
