Կբացվեն մանկապարտեզները, կաշխատի տրանսպորտը.Տեսանյութ

Մայիսի 18-ից կաշխատի տրանսպորտը, կբացվեն մանկապարտեզները։ Այս մասին այսօր Ազգային ժողովում հայտարարեց ՀՀ փոխվարչապետ և պարետ Տիգրան Ավինյանը։ 

«Նախատեսում ենք, որ մայիսի 18-ից հանրային տրանսպորտն ամբողջովին կգործարկվի, կվերաբացվեն առևտրի իրականացման վայրերը, հանրային սննդի օբյեկտները կկարողանան ծառայություններ մատուցել նաև փակ տարածքներում, կգործեն մարզասրահները, բացօթյա պատմամշակութային վայրերը և մի քանի այլ թուլացումներ»,-ասաց Ավինյանը։

Նա նաև նշեց, որ կվերաբացվեն նաև նախակրթարանները։ «Սակայն շեշտեմ՝ բոլոր սահմանափակումների թուլացումներն ուղեկցվելու են համակեցության հստակ կանոնների սահմանմամբ, որոնց չկիրառումը հանգեցնելու է համապատասխան տույժերի և տուգանքների։ Եվ, ի վերջո, մեր գործարար համայնքը կանոնները պահելը պետք է դիտարկի որպես մրցակցային առավելություն»,-ընդգծեց Տիգրան Ավինյանը։