Իտալիայի Չինկուեֆրոնդի համայնքում, որը գտնվում է Կալաբրիայի ռեգիոնում, գործարկվել է մի ծրագիր, որը թույլ է տալիս տուն կամ բնակարան գնել համայնքից ընդամենը մեկ եվրո արժեքով։ Այս մասին հայտնում է CNN Travel-ը։
Ըստ համայնքի ղեկավարի, ծրագիրը, որը կրում է «Գեղեցկության գործողություն» անվանումը, նպատակ ունի կանխելու երիտասարդության արտահոսքը դեպի խոշոր քաղաքներ։ Իտալական այդ համայնքում տուն գնելու գրավչությունը համայնքի բարենպաստ համաճարակային իրավիճակն է։
Կորոնավիրուսային համավարակի ամբողջ ընթացքում քաղաքում ոչ մի դեպք չի գրանցվել վարակման։
Բացի այդ, նրանք, ովքեր կորոշեն տուն գնել այդտեղ, պարտավոր կլինեն այն նորոգել երեք տարվա ընթացքում եւ վճարել հատուկ տուրք՝ 250 եվրոյի չափով։ Ժամկետների խախտման դեպքում տուգանքը կազմում է 20 հազար եվրո։
English
Русский
