Ինչու է օմիկրոնի շտամն այդքան վտանգավոր փոքր երեխաների համար

Կորոնավիրուսի «օմիկրոն» նոր շտամը հատկապես վտանգավոր է 2-ից 5 տարեկան երեխաների համար։ Այս մասին հայտարարել է Ռոսպոտրեբնադզորի համաճարակաբանության կենտրոնական գիտահետազոտական ինստիտուտի փոխտնօրեն Ալեքսանդր Գորելովը (Ռուսաստան): Նրա խոսքով՝ առաջին անգամ բրոնխիոլիտ է նկատվում կորոնավիրուսով վարակված երեխաների մոտ, որոնք այնքան ուժեղ են, որ հոսպիտալացում է պահանջվում։

ՏԱՍՍ-ին տված հարցազրույցում մասնագետը նշել է, որ փոքր երեխաները վիրուսի նոր շտամի տարածման ֆոնին, գնալով ավելի են վարակվում եւ բախվում խնդիրների։ Նախկինում փոքր երեխաները կա՛մ չէին վարակվում, կա՛մ թեթեւ էին տանում COVID-19-ը։ Այժմ հիվանդությունը երեխաների ընթանում է վերին վերին շնչուղիների եւ բրոնխների խոցմամբ։

65-ից բարձր մարդիկ նախկինի պես համարվում են ռիսկի խումբ։ Հղի կանանց համար կորոնավիրուսը նույնպես վտանգավոր է, քանի որ հղիության ընթացքում փոխանցված վարակը կարող է ազդել ապագա երեխայի զարգացման վրա։ Նրա մոտ կարող է նյարդահոգեբանական եւ ֆիզիկական զարգացման ուշացում լինել։