Ամերիկյան կայքը ցույց է տվել՝ ինչպես են կոկորդիլոսներին մաշկում հանուն լյուքս դասի պայուսակների (լուսանկարներ, տեսանյութ)

Վերջին մի քանի տարիների ընթացքում կենդանիների իրավունքների պաշտպաններն իրենց բողոքի ձայնն են բարձրացնում ընդդեմ Louis Vuitton նորաձևության տան՝ իրենց արտադրանքում կոկորդիլոսի կաշի օգտագործելու համար, գրում է thinkinghumanity.com-ը։

«Մարդիկ հանուն կենդանիների նկատմամբ բարոյական վերաբերմունքի» (PETA) ոչ առևտրային կազամակերպությունը և նմանատիպ այլ կազմակերպություններ բացահայտել են, թե ինչ դաժան պայմաններում են Louis Vuitton ընկերության աշխատակիցները պայուսակների արտադրության համար մաշկում կոկորդիլոսներին։

Աղբյուրը գրում է, որ ակտիվիստների կողմից մի քանի տարվա ճնշումից հետո LVMH-ն խոստացել է միջոցներ ձեռնարկել՝ կոկորդիլոսի մաշկի «պատասխանատու մատակարարումը» ապահովելու համար։ LVMH-ը խոստացել է նաև հոգ տանել կենդանիների մասին, կրճատել նրանց մորթուց/մաշկից պատրաստվող ապրանքների ծավալները, սակայն պարզ չէ՝ ինչպես է ընկերությունը իրականացնելու այդ գործընթացը և արդյոք հետամուտ է եղել դրա իրականացմանը, գրում է աղբյուրը։

Ակտիվիստների կոչերին արձագանքել են նաև մի շարք նորաձևության տներ՝ Chanel-ը, Vivienne Westwood-ը, Victoria Beckham-ը և Diane von Furstenberg-ը, որոնք խոստացել են դադարեցնել «էկզոտիկ կենդանիներին նորաձևության աքսեսուարների վերածելը»։

Կադրերում, որոնք հրապարակել է PETA-ն, պատկերված են հասարակական կազմակերպության հետաքննության արդյունքները։

Տեսանյութում ողջ-ողջ մաշկում են կենդանիներին, ապա հեռացնում մաշկը, քանի դեռ նրանք չեն արյունահոսել կամ շարժվել։ Տեսանյութը առաջացրել է համացանցի մի շարք օգտատերերի զայրույթը։