English
Русский
ԱԺ ճեպազրույցների ժամին «Իմ քայլը» խմբակցության պատգամավոր Մարիա Կարապետյանը, պատասխանելով հարցին, թե Լանզարոտի կոնվենցիայով 6-7 տարեկան երեխաներին սեռական դաստիարակության մասին ի՞նչ է ասվելու, նշեց, որ սեռական շահագործումից և սեռական բնույթի բռնություններից երեխաներին պաշտպանելու դրույթներից մեկը վերաբերում է կրթությանը:
«Սա չի նշանակում, որ տարրական և միջնակարգ դպրոցում երեխաները պետք է ամպայման սովորեն՝ ինչ է առհասարակ սեռական անձեռնմխելիությունը: Սրանք դժվար բառեր են և դժվարամարսելի են որոշ չափահաս քաղաքաիցների համար, ուր մնաց թե փոքր երեխաների:
Այստեղ խնդիրը երեխայի տարիքին հարմարեցված, նրա կարիքներին, ունակություններին, հետաքրքրություններին հարմարեցված ունակությունների տրամաբանումն է, թե ինչպես ճանաչել չափահաս մարդկանց վարքի մեջ հնարավոր ազդանշանները, որ իրենց վտանգ է սպառնում այդ անձի կողմից, ինչպես ճանաչել այդ ազդանշանները և ինչպես անկաշկանդ օգնություն խնդրել մեծահասկաներից առանց ամաչելու, որ իրենց սեռական անձեռնմխեիլությունը անվտանգ լինի»,- ասաց նա:
