ՏԵՍԱՆՅՈՒԹ. Ի՞նչ կապ ունի Սյունիքը ստորագրված կապիտուլացիոն ակտի հետ, ինչո՞ւ է ՀՀ-ի տարածքներն այսօր այսպես քրքրվում ու քայքայվում. Նազենի Հովհաննիսյան

Ես միայն մի քանի հարց ունեմ. ի՞նչ կապ ունի Սյունիքը ստորագրված կապիտուլացիոն ակտի հետ, ինչո՞ւ է ՀՀ-ի տարածքներն այսօր այսպես քրքրվում ու քայքայվում, ինչի՞ տակ է ստորագրել ՀՀ դեռևս գործող վարչապետ Նիկոլ Փաշինյանը, ի՞նչ տարածքներ են տրվում իր ստորագրությամբ, ինչո՞ւ դա ակնհայտ չի ասվում, ինչո՞ւ է բնակիչն ամեն անգամ վերջինն իմանում այդ մասին, ինչո՞ւ է աշխարհազորը մնում այնտեղ, որը տրվում է թշնամուն, ինչո՞ւ ենք մենք շարունակում գերներ ունենալ․ այս մասին այսօր «Արժանապատվության երթի» ժամանակ ասաց դերասան Նազենի Հովհաննիսյանը:

Դերասանուհին նշեց՝ այս բոլոր հարցերի պատասխանն ի վերջո Նիկոլ Փաշինյանը կարո՞ղ է տալ, եթե ընդհանրապես նա կարող է որևէ հարցի պատասխան տալ:

Հիշեցնենք, որ քաղաքացիները «արժանապատվության երթ» են անում՝ պահանջելով Նիկոլ Փաշինյանի հրաժարականը։ Երթը մեկնարկել է «Թումո»–ի այգու մոտից։

Հիշեցնենք, որ Նիկոլ Փաշինյանը, ՌԴ նախագահ Վլադիմիր Պուտինը և Ադրբեջանի նախագահ Իլհամ Ալիևը ստորագրել են համաձայնագիր, որով Ադրբեջանին են անցնում Արցախի 7 շրջանները, Շուշին և Հադրութը, ինչպես նաև գյուղեր՝ Ասկերանի ու Մարտունու շրջաններից, ինչպես նաև Մարտակերտի շրջանի Թալիշ և Մատաղիս գյուղերը։ Նիկոլ Փաշինյանի այս որոշումն ու քայլը վրդովվեցրել է քաղաքացիներին։

Մանրամասները՝ տեսանյութում։