English
Русский
Չնայած պարետատան՝ կուտակումներից զերծ մնալու հորդորներին, Երեւանի տրանսպորտային զննության կայանի մուտքի մոտ հակառակ պատկերն է: Տեղեկացնենք, որ երկու ամիս փակ մնալուց հետո կայանն այսօր բացվել է, իսկ մարդիկ գրոհել են այն վաղ առավոտից:
Անգամ կան քաղաքացիներ, որոնք իրենց ավտոմեքենաները կայանի մուտքի մոտ կայանել են մեկ օր առաջ, որպեսզի շատ երկար հերթ չկանգնեն: Բայց չնայած սրան՝ ժամերով սպասում են իրենց հերթին:
Երեւանի տրանսպորտային զննության կայանի աշխատողները դեռեւս փորձում են վարչական ներգործություն չկիրառել: Բայց կուտակումները շարունակվելու դեպքում նրանց կողմից պարտադիր կկազմվեն վարչական իրավախախտման արձանագրություններ , եւ քաղաքացիները կենթարկվեն վարչական պատասխանատվության: Մյուս կողմից, Ճանապարհային ոստիկանության Երևանի ծառայության հաշվառման քննական բաժնի պետ Արմեն Սարգսյանը վստահեցնում է, որ այս աժիոտաժը տեւելու է երկու-երեք օր:
Աղբյուրը`Armlur.am
