ԱԱԾ-ն՝ իմքայլական պատգամավորի տարօրինակ հայտարարության մասին, ով ՀՀ տարածքներն անվանել էր ամայի

iPress.am- Օրեր առաջ ՀՀ ԱԺ Իմ քայլը խմբակցության պատգամավոր Վլադիմիր Վարդանյանը Հանրային հեռուստաընկերության եթերում բառացիորեն հայտարարեց. «Մեր բանակը պաշտպանում է ժողովրդին, այլ ոչ թե ամայի որոշակի տարածքներ»:

Analitik.am-ը հարցում է ուղարկել ԱԱԾ՝ պարզելու համար ծառայության տեսակետը սույն հայտարարության վերաբերյալ: Արդյո՞ք այն պարունակում է սպառնալիք ազգային անվտանգությանը: Եթե այո, արդյո՞ք ՀՀ ազգային անվտանգության ծառայությունը պատրաստվում է զբաղվել այս հայտարարությամբ ու այդ հայտարարությունն անող պատգամավորով:

ԱԱԾ-ից մեր հարցմանն ի պատասխան հայտնում են, որ ՀՀ ազգային անվտանգության մարմիններն օրենսդրությամբ իրենց վերապահված իրավասությունների սահմաններում իրականացնում են Հայաստանի Հանրապետության ազգային անվտանգության ապահովմանն ուղղված գործառույթներ և առանձին հայտարարությունների (այդ թվում՝ պաշտոնատար անձանց) վերաբերյալ հրապարակային տեսակետ ՀՀ ԱԱԾ-ն չի հայտնում։