Իլոն Մասկը Կադիրովի՝ իրեն արհամարհանքով Իլոնա անվանելուց հետո Twitter-ում դարձել է «Իլոնա Մասկ»

Միլիարդատեր Իլոն Մասկը շարունակում է վիրտուալ բանավեճը Չեչնիայի ղեկավար Ռամզան Կադիրովի հետ, որին պատասխանել է, որ պատրաստ է նույնիսկ ձախ ձեռքով ծեծել ՌԴ նախագահ Վլադիմիր Պուտինին։

Հիշեցնենք, որ Մասկը Վլադիմիր Պուտինին մենամարտի մարտահրավեր էր նետել՝ հանուն Ուկրաինայի: Դրանից հետո տարբեր ռուսաստանցի պաշտոնյաներ, այդ թվում՝ Կադիրովը, սկսել են պատասխանել նրան Twitter-ում։

Մասնավորապես, Կադիրովը գրել է, որ Իլոնը (որին նա արհամարհանքով անվանել էր Իլոնա) պետք է հատուկ վերապատրաստում անցնի Չեչնիայում, որպեսզի պատրաստ լինի Պուտինի հետ մենամարտին։

Դրան Մասկը բառացիորեն պատասխանել է. «Եթե նա (Պուտինը - խմբ.) վախենում է կռվելուց, ես պատրաստ եմ օգտագործել միայն իմ ձախ ձեռքը, չնայած՝ ձախլիկ չեմ»:

Բացի այդ, Մասկը Կադիրովի գրառումից հետո Twitter-ում վերանվանվել է «Իլոնա Մասկ»։