Հայությունը կոպեկներով գումար է ուղարկում հիմնադրամին, իսկ իշխանությունը օրենքով 38 մլն 500 հազար դոլարի պարգևավճար է դուրս գրում իր համար. Սամսոնյան

Հայությունը կոպեկներով գումար է ուղարկում հիմնադրամին, իսկ իշխանությունը օրենքով 38 միլիոն 500 հազար դոլարի պարգևավճար է դուրս գրում իր համար։ Այս մասին ֆեյսբուքյան գրառում է կատարել «Քաղաքացիական գիտակցություն» ազատական ՀԿ նախագահ Նարեկ Սամսոնյանը։ 

«Երկրում պատերազմ է, ողջ հայությունը իր հնարավորությունների սահմանում ու մի բան էլ ավել գումար է հավաքում, որ սպասվող արհավիրքից դուրս գալու բեռը թեթևացնի ու մեկ էլ այսօր պարզ է դառնում, որ «սիրելի» իշխանությունները նոր բյուջեում հերիք չի ՊԱՐԳևԱՎՃԱՐՆԵՐԸ չեն բացառել մի բան էլ 21 տոկոսով բարձրացրել են: Իշխանությունները էս վիճակում իրանք իրանց 18 միլիարդ 825 հազար դրամի պարգևավճարի ֆոնդ են սահմանում, որը դոլարային արտահայտությամբ 38,5 միլիոն դոլար է:

Ի՞նչ կարելի է ասել էս մարդկանց.... հառամ ըլնի էդ պարգևավճարը, բկներիդ կանգնի !!!

Հ.Գ. Ի դեպ այս թվերը մտացածին չեն, դրանք վերցված են այսօր ԱԺ-ում քննարկված բյուջեի նախագծից: Հաշվեք, թե ինչքան մեծ գումարի մասին է խոսքը ու, թե քանի որդեկորույս ընտանիքի ու բանակի սպառազինության խնդիր կլուծվեր, եթե այն ուղղվեր բանակին», - գրել է Սամսոնյանը։