ՀՀ աշխատանքի և սոցիալական հարցերի նախարարը պարզաբանում է

ՀՀ աշխատանքի և սոցիալական հարցերի նախարարը պարզաբանում է

Հասարակական Ipress 2020-05-29 22:34:00 984
Հետևեք մեզ՝ Telegram-ում
nj_r1Bh5.jpg

ՀՀ աշխատանքի և սոցիալական հարցերի նախարար Զարուհի Բաթոյանը ֆեյսբուքյան իր էջում գրել է.

«Սոցիալական ցանցերում հանդիպում են նախարարության կամ նախարարության համակարգում գործող կազմակերպությունների նախկին աշխատակիցների կողմից արված «սուր մեկնաբանությունների» կամ «նախարարությունում տիրող բարքերի բացահայտման» փորձերի: Երբեք դրանց չեմ արձագանքել, բայց ինձ համար առնվազն անհասկանալի է, երբ մեկ տարում 110 ուշացած, ընթացք չտրված, կորած գրություն ունեցող բաժնի աշխատակիցները համարում են, որ լավ են աշխատել ու իրենց նկատմամբ անարդար վերաբերմունք է եղել:

Խոսքը տասնյակ երեխաների վերաբերյալ գրությունների մասին է: Ինձ համար նույնքան տարօրինակ է, երբ ամիսներ շարունակ աշխատանքի չներկայացած մարդիկ կամ, որոնց կատարողականի մեջ ամենից հաճախ կրկնվող արտահայտությունը «մասնակցել եմ հանդիպումների»-ն է, համարում են, որ իրենք բարեփոխումների հիմքում են: Այս մարդկանց խորհուրդ կտամ օգտվել առիթից և գոնե մասնավոր դասընթացների մասնակցել մեդիագրագիտության, լեզվի և համակարգչից օգտվելու իրենց իմացությունը բարելավելու համար, ի վերջո, բոլոր բնագավառներում դրանց կարիքը կա, լինի կինո, թատրոն, լրագրություն, թե քաղաքականությու

Էլ չեմ խոսում նրանց մասին, որոնք ի պաշտոնե աչք են փակել նախկինում արված ապօրինությունների կամ անգործության վրա և այժմ ցանկացած նշանակում կամ բարեփոխում ներկայացնում են որպես աղաղակող ապօրինություն կամ անարդարություն։

Ինձ համար աշխատանքային հարաբերություններում սկզբունքային է երկու բան՝ գործընկերային փոխվստահությունը և աշխատանքային պարտականությունների պատշաճ կատարումը: Մարդիկ, որոնք փորձել են շրջանցել այս սկզբունքները՝ վտանգելով ամբողջ համակարգի բնականոն աշխատանքը, այսօր այլևս մեզ հետ չեն աշխատում:

Յուրաքանչյուր դեպքով իրականացվել է ներքին քննություն, պարզվել են բոլոր հանգամանքները, և բոլորի դեպքում, կրկնում եմ՝ բոլորի դեպքում կան հստակ պատասխաններ:

Ի դեպ, ամեն դեպքում, աշխատանքի և սոցիալական հարցերի նախարարության նախկին աշխատակիցներին որևէ պաշտոնում վերցնելիս ազատ խոհրդակցեք նրանց նախկին ղեկավարների հետ, հնարավոր է, որ իրոք լավ կադր է և չստացվի, որ այս գրառմանս պատճառով ստվեր եմ գցում որևէ մեկի վրա: Ի վերջո, մարդիկ նաև այլ պատճառներով են հեռացել նախարարությունից, այդ թվում՝ անձնական»:

Поделиться
Класс
Send
rubli-1_BzS2M.jpg

Նոր փոխարժեքներ սահմանեց Կենտրոնական բանկը

oronvum-ek_fthJr.png

Տեսանյութում պատկերված աղջիկը որոնվում է

rwbli_CeDp8.jpg

Դոլարի փոխարժեքն աճել է

fles-barseg_qnJ5K.jpg

9 ամիս մորդ փորում դիմացե՞լ ես․ «Ֆլեշի Բարսեղը» բարկացավ ու վիրավորեց դատախազին

erexa_bkaIV.jpg

Նոր մանրամասներ՝ 2-ամյա տղա երեխայի մահվան դեպքից

hasmandamutyun_zwdYI.jpg

Փետրվարի մեկից կփոխվեն հաշմանդամության խումբ սահմանելու չափորոշիչները

surb-sargis_nVtbk.jpg

Այս տարի երբ է նշվելու Սուրբ Սարգիս զորավորի տոնը

06bacbc7-5fc3-407e-8da3-65a612f8adc7_8jxmG.jpeg

«Մահվանդ պահին ուժեղ մկանային ցնցում եմ ապրել, հազիվ էի կարողանում շնչել»․ զոհված զինվորի հոր հուզիչ նամակը՝ որդուն

bd40d16d-c0aa-4437-833a-a646cdf94253_ucQSA.jpeg

Զինծառայող է վիրավորվել. Նրա Վիճակը ծայրահեղ ծանր է

avet_1d22p.jpg

Ինչ գերշքեղ նվեր է տվել Ավետ Բարսեղյանը Նազենի Հովհաննիսյանին

sofi-devoyan_EjLUT.jpg

Սոֆի Դևոյանի լողազգեստով գերշքեղ հանգիստը Դուբայում

malatia-1_IAaUQ.jpg

30 տարի էս տոնավաճառին բան չէր պատահել ու հանկարծ ինքը եկավ ու որոշեց, որ պատահելու է