Հերթը հասավ անապահով մարդկանց, բյուջե լցնելու խայտառակ օրենք

Հերթը հասավ անապահով մարդկանց, բյուջե լցնելու խայտառակ օրենք

Քաղաքական Ipress 2020-06-25 17:56:00 3381
Հետևեք մեզ՝ Telegram-ում
anapahov-yntaniq_D6HGB.jpg

Hayeli.am

Աշխարհը կաթվածահար է եղել կորոնավիրուսից, բոլոր պետությունների տնտեսություններին անվերջանալի մարտահրավեր է նետված, եւ հատկապես Հայաստանի պես համեստ հնարավորություններ ունեցողներին, եւ գրեթե բոլորի թիվ մեկ խնդիրն այն է՝ ինչպես դուրս գալ այս իրավիճակից, քաղաքացիներին փրկել ծայրաստիճան աղքատությունից, երկիրը դուրս բերել տնտեսական կոլապսից:

Մեզ մոտ ճիշտ հակառակն է, իշխանությունն ամեն ինչ անում է, որպեսզի մարդկանց սոցիալական բեռն ավելանա: Ահավասիկ, կառավարությունը հանճարեղ նախագիծ է մշակել՝ առաջարկելով գույքահարկի բարձրացում:

Արտահերթ նիստում նախագիծը քննարկվում է հատուկ՝ 24-ժամյա ռեժիմով: Սահմանվում են անշարժ գույքի հարկի բազայի նոր սանդղակներ, իսկ որոշ գույքային միավորների համար` նաև նոր դրույքաչափեր, հարկվելու է 3 մլն դրամից ցածր արժողությամբ գույքը նույնպես, որն այժմ չի հարկվում: Իսկ սա նշանակում է, որ հարկվելու են մարդկանց գոմեը, փոքր տնակները եւ այլն, այն գույքը, որոնց արժեքը չի գերազանցում 3 միլիոնը, պարտադրված են վճարել գույքահարկ արժեքի զրո ամբողջ հինգ հարյուրերորդականի չափով։ Տարվա կտրվածքով դա գալիս է մոտավորապես տասնհինգ հազար դրամ, համաձայնեք, որ սոցիալապես անապահով խավի, կամ աղետի գոտում տնակում ապրող ընտանիքի համար սա լուրջ մարտահրավեր է:

Նախագծով նախատեսված է նաեւ, որ գույքահարկի դրույքաչափերը հաշվարկվում են ոչ թե կադաստրային արժեքին համապատասխան, այլ շուկայական արժեքին համապատասխան։Մինչդեռ` հայտնի է, որ շուկայական արժեքի որոշողը կադաստրն է, չկա որեւէ երաշխիք, որ այս կառույցն ունակ է ՀՀ ամբողջ գույքի շուկայական արժեքը ճշգրիտ որոշելու և սա իր հերթին լուրջ խնդիրներ է առաջացնելու ազգաբնակչության համար, արդյունքում կենտրոնում ապրող մարդը, ով ունի բնակարան կամ առանձնատուն, որը ժառանգել կամ ձեռք է բերել ինչ-որ հանգամանքներից ելնելով, պարտադրված է լինելու ուղղակի վաճառել իր որպես ժառանգություն ստացած բնակարանը եւ տեղափոխվել քաղաքաի ծայրամասեր, քանի որ այդ տների գույքահարկը 4-5 անգամ բարձրանալու է։

Նախորդ տարի իշխանություններն առանց երկար-բարակ մտածելու օրակարգ բերեցին եկամտահարկի համահարթեցման քաղաքականությունը։ Նրանք խոստացել էին, որ սոցիալական արդարությունը, եկամուտների համաչափ բաշխվածությունը լուծելու են գույքահարկի միջոցով նաև։ Բայց այս նախագծը ճիշտ հակառակի մասին է: Քանզի այն անարդար մոտեցում է սոցիալապես խոցելի խմբի համար, և դղյակների համար գույքահարկի դրույթաչափի բարձրացման անվան տակ ընդունելի չէ։ Դեռեւս ամիսներ առաջ Նիկոլ Փաշինյանը, խոսելով այս նախաձեռնության մասին, այն բնորոշել էր հեղափոխական: Եւ , իսկապես, այն հեղափոխական է մարդկանց կաշին մինչեւ վերջ քերթելու տեսանկյունից: Նախագիծն ընդունվեց առաջին ընթերցմամբ, կողմ էին միայն իշխանականները, հասկանալի է, որ տնտեսությունը վարի տված թիմը բյուջե լցնելու խնդիր ունի եւ դա անում է նաեւ սոցիալապես անապահով խավի միջոցով

Поделиться
Класс
Send
jranjatum-1_GRUoe.jpg

Երևանում և մարզերում այսօր ջուր չի լինի

zaqar-xojabaghyan_UGHd3.jpg

«Ինչ է իրենից ներկայացնում չարորակ հիպերթերմիան». Զաքար Խոջաբաղյան

zinvory-viravor-e_r5ljr.jpg

Վիրավոր զինվորներից Ռաֆոն Ազատանից է․ Մանրամասներ

anash-hrach-muradyan_wXn9d.jpg

Անաշը լացում ա, Միան անտրամադիրա. Ինչպես է անցել Հրաչ Մուրադյանի դստեր առաջին օրը մանկապարտեզում

kan-viravorner_Eci5R.jpg

Խոշոր ավտովթար՝ Երևանում․ Բժիշկները պայքարում են վիրավորների կյանքի համար

andzrev-kga_ObLDP.jpg

Սպասվում են տեղումներ․ Եղանակը Հայաստանում

rublin-tankacav-5_s4GVx.jpg

Ռուբլին ավելի թանկացավ․ ԿԲ

danakaharutyun_nflhE.jpg

20-ամյա Վլադիմիրը տեղափոխվել է հիվանդանոց․ Ինչ է կատարվել

artakarg-depq-2_ENuNb.jpg

Արտակարգ դեպք․ 33-ամյա կինը դրսևորել է ոչ ադեկվատ վարքագիծ, կոտրել հյուրանոցի գույքը, հարվածել է բժիշկներին, փախել շտապօգնության ավտոմեքենայից

luys-chi-linelu-8_bDaaE.jpg

Երևանում և որոշ մարզերում լույս չի լինելու

astxagushak-8__dHZW.jpg

Աստղագուշակ հուլիսի 12-ի համար

armen-mamyan_S-Nl5.jpg

Տատիկը տորթ էր պատվիրել. Վթարից մահացшծ Արմեն Մամյանը Կոթիից էր