Կորոնավիրուսի ծանր հետևանքները․ հայտնի գործարար է մահացել

Կորոնավիրուսի ծանր հետևանքները․ հայտնի գործարար է մահացել

Հասարակական Ipress 2021-01-09 22:44:00 1353
Հետևեք մեզ՝ Telegram-ում
bbdg_KfY_A.jpg

Aravot.am-ը գրում է.

Շիրակի մարզում կորոնավիրուսով հիվանդների թիվը զգալիորեն նվազել է․ դատելով վիճակագրությունից՝ կարելի է ասել, որ ամանորյա տոները ոչնչով չեն նպաստել վարակի տարածմանը։ Երկու հիվանդանոցներում՝ Գյումրի բժշկական կենտրոնում և Գյումրու ինֆեկցիոն հիվանդանոցում այս պահին բուժվում են կորոնավիրուսով վարակված 35 հիվանդ։

Գյումրի բժշկական կենտրոնի փոխտնօրեն Արմեն Խաչատրյանի փոխանցմամբ, իրենց մոտ այսօրվա տվյալներով՝ 28 հիվանդ են բուժվում, տրիաժ բաժանմունքում էլ գտնվում են հինգ հոգի։

Գյումրու ինֆեկցիոն հիվանդանոցի տնօրեն Աստղիկ Բեյբությանի տեղեկացմամբ էլ՝ իր գլխավորած բուժհիմնարկում բուժվողները 7-ն են։

Շիրակի մարզպետարանի առողջապահության վարչության պետ Լեյլի Ասլանյանի տեղեկացմամբ, 71 հոգի էլ հաստատված դրական դեպքերով բուժում են ստանում պոլիկլինիկաներում։ Հիվանդությունների վերահսկման և կանխարգելման ազգային կենտրոնի Շիրակի մասնաճյուղից էլ տեղեկացանք, որ դեկտեմբերի 31-ից մինչև օրս թեստավորել են մոտ 200 հոգու, վիրուս հայտնաբերվել է 20-25-ի տոկոսի մոտ։

Չնայած նվազող թվերին՝ վիրուսը ծանր, դառը հետևանքներ է թողնում։ Վիրուսով վարակվել ու օրերս մահացել է գյումրեցի հայտնի մի գործարար, որը, սակայն, բուժաշխատողների ասելով, ունեցել է կողմնակի հիվանդություն։

Երևանի Սուրբ Գրիգոր Լուսավորիչ հիվանդանոցում էլ օրերս մահացել է գյումրեցի 29-ամյա հղի կին․ Շիրակի մարզպետարանի առողջապահության վարչության պետի Լեյլի Ասլանյանից տեղեկացանք, որ նա դիմել է Գյումրու 1-ին պոլիկլինիկա․ նրա մոտ հաստատվել է կորոնավիրուսի դրական թեստ։

Մարզպետարանի պաշտոնյայի ասելով, շատ արագ՝ մի քանի ժամվա ընթացքում կազմակերպել են նրա տեղափոխումը Սուրբ Գրիգոր Լուսավորիչ հիվանդանոց, քովիդով հիվանդ հղիներին սովորաբար տեղափոխում են այնտեղ։

Հղիությունը եղել է 30 շաբաթական՝ նորմալ ընթացքով, հունվարի 5-ին պտուղն է մահացել, որը Էրեբունի բժշկական կենտրոնում հեռացրել են՝ երիտասարդ կնոջը վիրահատության ենթարկելով, հաջորդ օրը կինը մահացել է՝ թրոմբո էմբոլիկ բարդությունից։

Նա ուներ մեկ երեխա, սպասում էր երկրորդին։

 

Поделиться
Класс
Send
gagik-surenyan_aSFv4.jpg

Ինչպիսի եղանակ կլինի առաջիկա օրերին

crocus-city-hall_uribW.jpg

Հայտնի է դարձել Crocus-ում տեղի ունեցած ահաբեկչությունից հետո համերգների վերադարձված տոմսերի թիվը

jur-chi-linelu-1_v0Lgk.jpg

Ջուր չի լինելու մի քանի ժամ

nairit-gorcaran_7jyRF.jpg

«Նաիրիտը» որոշել են հողին հավասարեցնել, հողը ռեկուլտիվացիայի ենթարկել

shxtayakan-vtar_rqznh.jpg

Շղթայական ավտոմեքենաների ջարդ Երևանում․ Հեղինակը եղել է ամենաբարձր աստիճանի խմած

jur-chi-linelu_G9Lzq.jpg

Կառավարության որոշումը՝ ջրի սակագնի վերաբերյալ

artash-asatryan_Ikb6T.jpg

Արտաշ Ասատրյանը՝ իր մահվան լուրերի մասին

dolar-rubli_W6Ax0.jpg

Կենտրոնական բանկը նոր փոխարժեքներ է սահմանել

luys-chi-lini_-eQnA.jpg

Այսօր այս հասցեներում լույս չի լինելու

zigzag_Htssv.jpg

ԱՐՏԱԿԱՐԳ․ Երևանում թալանել են հայտնի «Զիգզագ» խանութը

voghbergakan-tor_d-gHr.jpg

Ողբերգական դեպք՝ Արագածոտնի մարզում․ 63-ամյա տղամարդուն հայտնաբերել են մահացած

img3015_zgA4S.jpeg

Ադրբեջանի հավաքականը հրաժարվել է գալ Երևան