Հայտնի են Թուրքիայում կայացած ռուս-ուկրաինական բանակցությունների մանրամասները

Ստամբուլում ռուս-ուկրաինական բանակցությունների արդյունքների մասին խոսել է Թուրքիայի արտգործանախարար Մևլութ Չավուշօղլուն։ Ստամբուլի բանակցություններից հետո նախատեսվում է Ռուսաստանի և Ուկրաինայի արտգործնախարարների հանդիպումը, ինչից հետո օրակարգում է Վլադիմիր Պուտինի և Վլադիմիր Զելենսկու հանդիպումը։

Թուրքիայի ԱԳ նախարարը նշել է, որ բանակցությունների ընթացքում որոշ հարցերի շուրջ համաձայնություն է ձեռք բերվել։ «Ամենաառաջնային հարցը, ինչպես միշտ ասել ենք, հրադադարն է և դեպի կայուն քաղաքական լուծում ճանապարհ բացելը»,-հայտարարել է Չավուշօղլուն։

Թուրք պաշտոնյայի խոսքով՝ մինչ բանակցությունները առանձին հանդիպումներ են եղել երկու կողմի հետո էլ, քննարկվել է անհապաղ հրադադարի հաստատումը, ինչպես նաև հումանիտար միջանցքների բացումը։