Հայտնի է, թե ովքեր են փոխարինելու հրաժարական ներկայացրած նախարարներին

ՀՀ ԱԳ նախկին նախարար Զոհրաբ Մնացականյանին ժամանակավորապես կփոխարինի Արտակ Ապիտոնյանը։ Այս մասին այսօր ԱԺ–ում հայտարարեց ԱԺ փոխխոսնակ Լենա Նազարյանը։

Նա նաև նշեց, որ ԱԻ նախարարի պաշտոնից հրաժարականի դիմում ներկայացրած Ֆելիքս Ցոլակյանին էլ կփոխարինի շուրջ 1 ամիս առաջ նշանակված փոխնախարար Արմեն Փամբուխչյանը։ 

Նշենք, որ Արտակ Ապիտոնյանը ԱԳ նախարարի տեղակալ էր նշանակվել 2018թ. դեկտեմբերի 28-ին։ Մինչ այդ նա ՀՀ արտակարգ և լիազոր դեսպան էէ եղել Շվեդիայում և Ֆինլանդիայում։

Արմեն Փամբուխչյանն ԱԻ նախարար էր նշանակվել սեպտեմբերի 25-ին։ Իսկ մինչ այդ` սեպտեմբերի 17-ին, նա հայտնել էր, որ հրաժարվում է պատգամավորական մանդատից։ Փամբուխչյանը իշխող «Իմ քայլը» խմբակցության անդամ էր:

Հիշեցնենք՝ նոյեմբերի 16–ին Ազգային ժողովում ՀՀ վարչապետ Նիկոլ Փաշինյանը հայտարարել էր, որ ՀՀ արտաքին գործերի նախարարին աշխատանքից ազատելու որոշում է կայացրել։