iPress.am- ՀՀ 2-րդ նախագահ Ռոբերտ Քոչարյանի COVID-19 թեստի արդյունքը բացասական է, հայտնում են նրա գրասենյակից։
Ռոբերտ Քոչարյանի պաշտպան Հայկ Ալումյանն այօր՝ ապրիլի 13-ին, դատական նիստի ժամանակ ասել է, որ Ռոբերտ Քոչարյանը, ելնելով իր մոտ առկա սիմպտոմատիկայից, բժշկի ցուցումով հանձնել է COVID-19-ի թեստ:
Ալումյանը նաև հայտնել է, որ կորոնավիրուսային հիվանդության հաստատված դեպք է եղել Քոչարյանի մերձավոր շրջապատում, թե ում մոտ՝ չհայտնեց, խնդրելով՝ դրա մասին խոսել դռնփակ ռեժիմով:
«Պարոն Քոչարյանը կգա դատական նիստին, եթե դատարանն ինքն իր վրա կվերցնի պատասխանատվությունը հետագա հնարավոր հետևանքների: Հարգելի դատարան, եթե դուք ասեք, որ պարտադիր է, մենք դատարանի որոշումը կգերադասենք և նա կգա նիստին»,-ասաց նա:
English
Русский
