Հայաստանում այս տարվա միասնական քննությունները կմեկնարկեն հուլիսի 2-ին և կավարտվեն հուլիսի 8-ին։
Գնահատման և թեստավորման կենտրոնը ներկայացրել է միասնական քննությունների օրերն՝ ըստ առարկաների։
Հուլիսի 2–ին դիմորդները օտար լեզվի քննություն կհանձնեն (անգլերեն, ֆրանսերեն, գերմաներեն, ռուսերաց լեզու, իտալերեն, իսպաներեն), հուլիսի 4–ին` հայոց պատմության, աշխարհագրության և քիմիայի։ Հուլիսի 6-ին կկազմակերպվի մաթեմատիկայի քննությունը, իսկ հուլիսի 8-ին` հայոց լեզու և հայ գրականություն, կենսաբանություն և ֆիզիկա առարկաներինը:
Հիշեցնենք` այս տարի բուհերում ընդունելությունը կիրականացվի մեկ քննության արդյունքների հիման վրա՝ հնարավորինս նվազեցնելով ընդունելության քննությունների մասնակիցների թիվը, որի արդյունքում հնարավոր կլինի ապահովել սանիտարահիգենիկ պայմաններ, պահպանելով անհրաժեշտ սոցիալական հեռավորությունը, կազմակերպել դիմորդների ընդունելության քննությունների գործընթացը: