iPress.am- Բաքուն պատրաստ է առևտրային հարաբերություններ իրականացնել Երևանի հետ մեկ պայմանով՝ Ադրբեջանը և Հայաստանը պետք է ճանաչեն միմյանց սահմանները, հայտարարել է Ադրբեջանի նախագահ Իլհամ Ալիևը: «Մենք պատրաստ ենք Հարավային Կովկասի երկրների միջև ազատ առևտրին, այդ թվում նաև՝ Հայաստանի հետ:
Բայց դա պահանջում է Ադրբեջանի և Հայաստանի սահմանների փոխադարձ ճանաչում: Մեր կողմից մենք պատրաստ ենք ճանաչել Հայաստանի սահմանները: Բայց Հայաստանը նույնպես պետք է ճանաչի Ադրբեջանի սահմանները, այդ թվում նաև` Ղարաբաղը՝ որպես Ադրբեջանի մաս:
Այնպես որ, մենք հայկական կողմից սպասում ենք գործողությունների: 30 հազար հայ է ապրում Արցախի այն տարածքներում, որոնք ներկայում գտնվում են ռուս խաղաղապահների վերահսկողության տակ: Մենք նրանց համարում ենք Ադրբեջանի քաղաքացիներ, որոնց գլուխները լվացել են հայկական քարոզչությամբ», - ասել է նա: