English
Русский
Համացանցում քննարկումները վնասում են անհետ կորածներին գտնելուն եւ գերեվարվածներին վերադարձնելուն: Այս մասին հունվարի 19-ին Հայաստանի Ազգային ժողովի նիստում խորհրդարանական ժամին ասաց Պաշտպանության եւ անվտանգության հարցերի մշտական խորհրդարանական հանձնաժողովի նախագահ, իշխող «Իմ քայլը» դաշինքի պատգամավոր Անդրանիկ Քոչարյանը
Նրա խոսքով՝ տարբեր հարթակներում անընդհատ խոսում են գերիների մասին՝ առանց հասկանալու, որ այս հարցը չունի արագ լուծում:
«Այս քննարկումները միայն վնաս կհասցնեն գործընթացին: Այսօր մեծ ծավալի աշխատանքներ են տարվում, որոնք ուղղված են անհետ կորածներին եւ գերեվարվածներին հայտնաբերելուն եւ վերադարձնելուն: Նրանց հարազատները նույնպես ներգրավված են այս գործընթացում»,- ասել է պատգամավորը:
Քոչարյանի կարծիքով՝ նման թեմաների անտեղի շահարկումները, դավաճանների եւ մեղավորների որոնումը պահի պահանջ չեն: Նա նշեց, որ ռազմագերիների հարցը լուծելուց հետո կվերլուծվի պատերազմի գործընթացը, կյուրացվեն դասերը, կկատարվեն անհրաժեշտ փոփոխությունները եւ կուղղվեն բացթողումները:
