Գյումրիում 26-ամյա երիտասարդին սպանված է գտել մայրը. մանրամասներ

iPress.am-Այսօր 15.30-ի սահմաններում սպանություն է տեղի ունեցել Գյումրու Երևանյան խճուղու բազմաբնակարան շենքերից մեկում։

Ինչ-որ մեկը թակել է բնակարանի դուռը, բացել է երիտասարդի հայրը, թակողը ցանկացել է առանձին խոսել տղայի հետ։ Քիչ անց ձայներ են լսվել, երիտասարդի մայրը, դուրս գալով, տղային գտել է բերանքսիվայր` 3-րդ հարկից 2-րդ հարկ տանող աստիճանահարթակի վրա։

Զանգահարել են շտապօգնություն, բժիշկները, տեսնելով, որ երիտասարդը մահացած է, զանգահարել են ոստիկանություն։

Հարուցվել է քրեական գործ Քրեական օրենսգրքի 104 հոդվածի 1-ին մասով։ Կատարվում են անհետաձգելի քննչական և դատավարական գործողություններ հանցանք կատարած անձի ինքնությունը, գտնվելու վայրը պարզելու, հանցագործության գործիքը հայտնաբերելու ուղղությամբ։

Այս մասին աղբյուրին հայտնեց Շիրակի մարզի դատախազ Գուրգեն Գրիգորյանը։

Աղբյուրը՝ Aravot.am