iPresss.am- Աթենքում ուրբաթ գրանցվել է մակերևույթի ամենաբարձր ջերմաստիճանը՝ 72 աստիճան տաքություն՝ ըստ Ցելսիուսի, իսկ ճանապարհների մակերևույթի ջերմաստիճանը հասել է 47 աստիճանի: Այս մասին հայտնում է «ՌԻԱ Նովոստի»-ն՝ հղում անելով Աթենքի ազգային դիտորդական կենտրոնին:
Հունաստանում վերջին մեկ շաբաթվա ընթացքում 40 աստիճան շոգ է տիրում՝ ըստ Ցելսիուսի: Ուրբաթ հունական մայրաքաղաքի գլխավերևում ջերմային պատկերը ֆիքսող անօդաչուների թռիչքներ են տեղի ունեցել՝ Աթենքի շրջանների քարտեզագրման համար, որոնք նպաստում են «քաղաքային ջերմային կղզու» ձևավորմանը:
Այս օդերևութաբանական երևույթը պայմանավորված է քաղաքային տարածքում ջերմաստիճանի բարձրացմամբ՝ դրան շրջապատող շրջանների համեմատ:
Ջերմաչափիչ տեսախցիկի ֆիքսած ամենաբարձր ջերմաստիճանը կազմել է 72 աստիճան՝ ըստ Ցելսիուսի: Միևնույն ժամանակ օդի ջերմաստիճանն այդ պահին Աթենքի կենտրոնում կազմել է 37 աստիճան տաքություն:
English
Русский
