iPress.am- «ԵԱՀԿ Մինսկի խմբի համանախագահ երկրների ջանքերի արդյունքում և միջազգային հանրության օրեցօր աճող ճնշման պայմաններում Ադրբեջանը վերադարձրել է երեք հայ ռազմագերների: Լիահույս ենք, որ այս գործընթացը կունենա իր տրամաբանական շարունակությունն ու շուտափույթ ավարտը»,- «Արմենպրես»-ին ասացին ՀՀ փոխվարչապետի պաշտոնակատար Տիգրան Ավինյանի գրասենյակից:
Հիշեցնենք, որ Ադրբեջանը Հայաստան է վերադարձրել Ղարաբաղում՝ 2020 թվականի նոյեմբերի 10-ին եռակողմ հայտարարության ստորագրելուց հետո ձերբակալված երեք հայ զինծառայողի: Հայաստանին փոխանցվել են զինծառայողներ Ռովերտ Վարդանյանը, Սամվել Շուխյանը, Սեյրան Թամրազյանը: