«Mediaport» տելեգրամյան ալիքը հայտնում է, որ Արցախի նախագահ Արայիկ Հարությունյանը իր՝ ՌԴ-ում գտնվելու մասին Mediaport-ի հրապարակումից հետ ընդհատել է գաղտնի այցը և այս պահին վերադառնում է Հայաստան՝ մասնավոր չվերթով:
«Այս պահին նա գտնվում է Մոսկվայի օդանավակայանում: Լրատվամիջոցներն առավոտից փորձում են կապ հաստատել Հարությունյանի խոսնակի հետ, բայց ապարդյուն: Արցախի նախագահի հրահագով ամեն ինչ արվում է գաղտնի այցի լուրը հանրությունից թաքցնելու համար:
Գաղտնի այցով ՌԴ մեկնած Արցախի նախագահ Արայիկ Հարությունյանին Հայաստան վերադարձնող ինքնաթիռը Մոսկվայից դուրս է եկել տեղի ժամանակով 21:44, վայրէջք է կատարել Երևանի ժամանակով 01:44-ին: Ի դեպ, Արայիկ Հարությունյանին ուղեկցող անվտանգության աշխատակցին թույլ չեն տվել հատել ՌԴ սահմանը:
Նշենք, որ Արցախի նախագահը ՌԴ էր մեկնել իր պաշտոնը պահելու հարցով, քանի որ Նիկոլ Փաշինյանն Աննա Հակոբյանի լոբբինգով որոշել է Արցախի նախագահ դարձնել Սամվել Բաբայանին:
Արայիկ Հարությունյանի խոսնակը երեկ ողջ օրը հեռախոսազանգերին չի պատասխանել, ավելին՝ օրեր առաջ կայացած խորհրդակցության մասին հաղորդագրություն էին տարածել՝ կոծկելու Հարությունյանի ՌԴ մեկնելու փաստը:
Արցախի նախագահ Արայիկ Հարությունյանը ՌԴ գաղտնի այցից այս գիշեր Հայաստան է վերադարձել «Cessna 525 Citation jet» մոդելի մասնավոր ինքնաթիռով (կոդային համարը՝ RA67172, ավիաընկերություն՝ Jet Travel Club):
Չարտերային թռիչքի արժեքը կազմել է 25.000 եվրո:
Ուշագրավ էր Արցախում ստեղծված աղետի ֆոնին նախագահը նման գումար է ծախսում մեկ չվերթի համար»,- գրել է ալիքը։