ԱՄՆ-ում երեխան 16 ժամ մնացել է կորոնավիրուսից մահացած մոր դիակի մոտ: Այս մասին տեղեկացնում է WGXA հեռուստաալիքը:
Կինը, որն աշխատում էր որպես բժիշկ, մահացած է հայտնաբերվել Վիրջինիայում գտնվող իր տանը: Բժշկական փորձաքննությունը ցույց է տվել, որ նա վարակված է եղել կորոնավիրուսով:
Հետաքննությունը պարզել է, որ 42-ամյա կինը մահացել է մարմինը հայտնաբերելուց 12-16 ժամ առաջ, իսկ այդ ամբողջ ընթացքում տանը գտնվել է նրա 4-5 տարեկան երեխան:
Հայտնի է, որ ամբողջ աշխարհում նոր տեսակի կորոնավիրուսով վարակվածների թիվը հասել է 435 036-ի, որից 21 295-ը՝ մահվան ելքով։ Հիվանդությունից ապաքինվել է ավելի քան 114 642 մարդ։
English
Русский
