Էրդողանը պատասխանել է Պուտինի գովեստին

Թուրքիայի նախագահ Ռեջեփ Թայիփ Էրդողանը պատասխանել է ՌԴ նախագահ Վլադիմիր Պուտինի գովեստին այն մասին, որ Անկարայի և Մոսկվայի հարաբերությունները «հազվադեպ մակարդակի» է հասնում։ Այս մասին հայտնում է Ռիա Նովոստին։

Ավելի վաղ Պուտինը հայտարարել էր, որ երբեմն տարբեր հարցերի շուրջ ինքը և Էրդողանն ունենում են տարբեր հայացքներ, սակայն Թուրքիայի ղեկավարը, որը պահում է իր խոսքը և «պոչ չի խաղացնում»։

«Պուտինի այդ հայտարարությունը վերաբերում է նաև իրեն։ Նա ազնիվ մարդ է, ով պահում է իր խոսքը, և մեր հարաբերությունների զարգացումը ցույց է տալիս, որ գործնականում ոչ մի պետության հետ նման ամուր կապեր չունենք, դա հազվադեպ երևույթ է։ Հուսով եմ՝ մեր հարաբերությունների մակարդակն ապագայում կպահպանվի»,-ասել է Էրդողանը։