Կներեք, բայց ես այլևս չեմ կարող զսպել ինձ. Բավական է, էլ ուժ չկա դիմանալու

iPress.am-Մահացել է հայտնի մանկաբարձ-գինեկոլոգ Գեորգի Կիմի Պողոսյանը: Այս մասին «Ֆեյսբուք»-ի իր էջում  գրել է Երևանի պետական բժշկական համալսարանի ռեկտոր Արմեն Մուրադյանը:  

«Խորը ցավով տեղեկացա, ԵՊԲՀ մանկաբարձության և գինեկոլոգիայի ամբիոնի դոցենտ, իմ լավ բարեկամ Գեորգի Կիմի Պողոսյանի անժամանակ մահվան մասին։ Հմուտ մասնագետն իսկապես իր ոլորտի առաջատարներից էր։ Մարդ, որը վայելում էր կրտսեր գործընկերների հարգանքը»,-գրել է Մուրադյանն ու իր ցավակցությունը հայտնել հանգուցյալի ընտանիքի անդամներին և հարազատներին...  

Գերոգի Կիմի Պողոսյանը ծնվել էր 1952 թվականին: Բժիշկ Պողոսյանը «Բեգլարյան» բժշկական կենտրոնի Վերարտադրության և անդրոլոգիայի բաժանմունքի վարիչն էր, ԵՊԲՀ-ի մանկաբարձության և գինեկոլոգիայի ամբիոնի դոցենտ, բժշկական գիտությունների թեկնածու։

Իմ սիրելի, հարգելի հայրենակից, նախապես ուզում եմ ներողություն խնդրել անկեղծ ու սուր խոսքիս համար․․ Երբ տեղեկացա այս լուրի մասին, դիտեցի մեկնաբանությունները ու հազիվ զսպեցի զայրույթս ոմանց ուղղակի վիրավորելու, իսկ ոմանցից էլ հաշիվ պահանջելու համար․․ 

Ախր էսքան մաղձ, էսքան ատելություն ու չարություն, որտեղից ձեր մեջ։ Լավ, ասենք թե մարդը քննադատում էր Նիկոլին, կամ Քոչարյանական էր, ուրեմն կարելի է ամենավերջի բառերը գրելը նրա մասի՞ն․․

Լավ, միթե դուք չունեք ոչ մի սրբություն, որ մի տարրական կարեկցանք ուրիշի ցшվի հանդեպ։ Կներեք, բայց ես այլևս չեմ կարող զսպել ինձ։ Բավական է, էլ ուժ չկա դիմանալու Ցավակցում եմ հարազատներին, բարեկամներին ու համբերություն մաղթում՝ տիկին Ղամբարյանին․․․

Իր էջում գրել է Հասմիկ Գևորգյանը