Նորատուսից ու Գավառից մոտ 15 հոգի ձերբակալվել են.Տեսանյութ

Նորատուսից ու Գավառից մոտ 15 հոգի ձերբակալվել են.Տեսանյութ

Հասարակական Ipress 2020-04-29 20:21:00 1293
viii_VsHs4.jpg

Նորատուսի գյուղապետ Մուրադ Հարությունյանի տեղեկություններով՝ մոտ 15 հոգի՝ Նորատուսից ու Գավառից ձերբակալվել են, որոշ մարդկանց նաեւ Երեւանից են ձերբակալել։ Այս մասին այսօր՝ ապրիլի 29-ին, լրագրողների հետ զրույցում պատմել է գյուղապետը, անդրադառնալով Գավառում նախօրեին տեղի ունեցած սպանություններին, տեղեկացնում է 168.-am–ը։ 

«Կռվի պատճառը միայն իրենք կարող են ասել, թե չէ ամեն մեկը մի բան կասի։ Դեպքի ժամանակ եղել եմ գյուղում, երեկոյան եմ տեղեկացել դեպքի մասին։ Գնացել եմ հիվանդանոց, բայց այնտեղ այնքան խճճված էր ամեն ինչ…»,- ասաց Հարությունյանը։

Հարցին՝ արդյոք մտավախություն կա՞, որ միջադեպը կարող է շարունակվել, գյուղապետն ասաց. «Ինչ ասես կարող է լինել, սակայն չեմ կարծում, որ այս դեպքով կարող է շարունակություն լինել»։

Անդրադառնալով մարզպետ Գնել Սանոսյանի այն հայտարարությանը, թե Գավառի հիվանդանոց մուտք են գործել մոտ 500 քաղաքացի, գյուղապետն ասաց. «Ես ո՞նց կարող եմ ասել՝ 500 թե 200 հոգի են եղել։ Այնտեղ եղել են եւ Գավառից, եւ տարբեր վայրերից»։

Գյուղապետն ասաց, որ այս պահին գյուղում ոստիկանների կողմից խիստ հսկողություն է սահմանվել։

Հիշեցնենք, որ երեկ՝ ապրիլի 28-ին, Գավառ քաղաքում փոխհրաձգություն է տեղի ունեցել մի խումբ գավառցի երիտասարդների եւ նորատուսցիների միջեւ։ Կրակոցների հետեւանքով մահացու հրազենային վիրավորում է ստացել քննիչ Զորիկ Պարոնիկյանը եւ Նորատուս համայնքի բնակիչ՝ «Նորատուսցի արջ» մականունով երիտասարդը։ Վիրավորում են ստացել եւս 4 քաղաքացի, որոնցից 2-ը տեղափոխվել էին Երեւանի հիվանդանոցներից մեկը, իսկ 2-ը տեղափոխվել էին Գավառի հիվանդանոց։

Սակայն դեպքն այսքանով չի ավարտվել։ Տեղի է ունեցել դաժան վենդետա, եւ դա այն դեպքում, երբ ոստիկանապետ Արման Սարգսյանն անձամբ եղել է դեպքի վայրում, ոստիկանությունը փաստորեն չի կարողացել վերահսկել իրավիճակը։ Դանակներով զինված անձինք մտել են Գավառի հիվանդանոց, որտեղ այդ ժամանակ հսկողություն էին իրականացնում ոստիկանական ուժերը, հիվանդանոցում գտնվողներից երկուսի կոկորդը կտրել, մեկին՝ ծեծի ենթարկել։ Դրանից հետո նշված անձինք կարողացել են հեռանալ հիվանդանոցից։ Փաստորեն, ոստիկանները չեն կարողացել ոչ միայն կանխել հանցագործությունը, այլեւ ձերբակալել հանցագործությունը կատարողներին։ Ոստիկանությունը մյուս կողմից հայտարարում է, որ ոստիկանապետը եղել է հնչած կրակոցների դեպքի վայրում՝ Ազատության պողոտայում։ Մեր տեղեկություններով՝ 2 քաղաքացիները, որոնց կոկորդը կտրել են, հարազատ եղբայրներ են. նրանցից մեկի անունը Արմեն է, մյուսինը՝ Խաչիկ։ Վիրավորներից մի քանիսին տեղափոխել են Երեւան, նրանցից մեկի վիճակը մեր տեղեկություններով միջին ծանրության է, մյուս երկուսինը՝ ծայրահեղ ծանր։

Հարուցված քրեական գործի շրջանակում կատարվում է նախաքննություն:

Ինչպես կրակոցներով, այնպես էլ դրան հաջորդած դեպքերով կան բերման ենթարկվածներ։

Աղբյուրը`NEWS.am

Поделиться
Класс
Send
img9853_p6vFz.png

«21-րդ դարի ստրկությունը՝ թրաֆիքինգը». հարցազրույց թրաֆիքինգի ռիսկերի իրազեկման հարցերով փորձագետի հետ

img9599_1b73J.jpeg

ԲԱՑԱՌԻԿ ՏԵՍԱՆՅՈՒԹ՝ դեպքի վայրից․ Ինչպես են 2-ամյա Տիգրանին դուրս բերել գետից

img9592_KEyLs.jpeg

ԲԱՑԱՌԻԿ ՏԵՍԱՆՅՈՒԹ․ էջմիածնում 26-ից ավելի դանակի հարվածներով տղամարդ են uպանել ու գումար շաղ տվել վրան. կասկածյալը որդին է

img9523_PVv5T.jpeg

Տուժած երեխայի մայրը ծեծել է համագյուղացի կնոջն ու որդուն․ նոր մանրամասներ Մխչյանի դպրոցի դեպքից

img9514_eseIA.jpeg

Կասկածելի հետք է նկատվել գետում. Բացառիկ

img9505_IX1ti.jpeg

Ես պարտաճանաչ, խեղճ, խելոք ու առանց թիկունքի ուսուցիչ եմ եղել, դրա համար էլ այս օրն եմ ընկել

img9503_zEYm1.jpeg

Երեխաներին կապկպել են դպրոցի զուգարանում, թմրանյութ տվել․ սարսափելի դեպք՝ Մխչյանում. Տեսանյութ

img9490_YDznQ.jpeg

Հնարավոր է՝ որոշում կայացվի երեխային առաջին դասարան ընդունել 7 տարեկանում․ ԿԳՄՍ նախարար

img9489_g7rEm.jpeg

Ուժգին քամին պոկել է տանիքը, խփել 36 շաբաթական հղիին. երեխան ծնվել է ճակատի վնասվածքով

img9470_XplnK.jpeg

Զանգել երեխայի լացի ձայն են միացրել ու անջատել․ ինչ է պատմում Տիգրանի պապիկը

img9443_a7mVN.jpeg

Հովիվը գետում մարմին է հայտնաբերել

img9438_T8Nmp.jpeg

Գումար, փաստաթղթեր, ամեն ինչ վառել են, դա միայն թուրքը կաներ. Այնթապում տան դուռը փակել և հրկիզել են