Դրամական ինչ օգնություն է տրամադրում իր ժողովրդին Վրաստանի վարչապետը

Վարձու աշխատող անձինք, որոնք կորցրել են իրենց աշխատանքը կամ հարկադիր չվարձատրվող արձակուրդի անցել, վեց ամսվա ընթացքում կստանան 1200 լարի օգնություն:

Այս մասին ուրբաթ հայտարարել է Վրաստանի վարչապետ Գիորգի Գախարիան, որը ներկայացրել է հակաճգնաժամային տնտեսական ծրագիրը, գրում է 1tv.ge-ն:

Նրա խոսքով՝ օգնությունն ամսական 200 լարի կկազմի:

«Այս սխեման կօգնի մեր յուրաքանչյուր քաղաքացու ստանալ սոցիալական օգնություն: Բոլոր այն անձինք, որոնք արտակարգ դրություն հայտարարելուց հետո ճգնաժամի ընթացքում կորցրել են իրենց աշխատանքը և այլևս չեն ստանում աշխատավարձ, օգնություն կստանան 1200 լարիի չափով, ինչը նշանակում է, որ այդպիսի մարդիկ ամեն ամիս 200 լարի կստանան:

Եվս մեկ անգամ, այս օգնության կայունությունը մեզ համար կրիտիկական կարևոր է եղել:

Մենք հասկանում ենք և ուզում ենք շեշտել, որ մենք օգնում ենք յուրաքանչյուր քաղաքացու 1200 լարիի չափով՝ յուրաքանչյուր ամիս տրամադրելով 200 լարի»,- ասել է վարչապետը: