«Արմնյուզ» Հեռուստաընկերության «Դռնից ներս» ֆիլմաշարն անդրադարձել է Արարատի մարզի Սուրենավան գյուղի պատմության ուսուցչուհի Հասմիկ Աբրահամյանին, որը պայքարում է իր բարի անունը վերականգնելու համար:
Հիշեցնենք, որ շաբաթներ առաջ իր աշակերտների հետ արված լուսանկարը վարչապետ Փաշինյանը հրապարակել է իր ֆեյսբուքյան էջում` որպես կորոնավիրուսի դեմ պայքարի միջոց, ինչի հետևանքով սեփական դիմում-ի համաձայն 23 տարվա աշխատանքային փորձով մանկավարժը մեկ օրում կորցրել է աշխատանքը:
Հասմիկ Աբրահամյանը պատմել է, որ իր դասարանի աշակերտների հետ ունեն շատ ջերմ հարաբերություններ: Դասապրոցեսի ընթացքում պատմության դասերն անցկացրել են Հայաստանի պատմամշակութային վայրեր այցելելով և դա հերթական հանդիպումն էր։
Փաշինյանի կողմից լուսանկարի հրապարակումը ուսուցրուհին ու դասարանի աշակերտների ծնողները համարում են մարդու իրավունքների ոտնահարում, քանի որ լուսանկարում անչափահաս երեխեաներ են եղել, իսկ մեկնաբանություններում ատելության և անպարկեշտ խոսքեր են գրվել իրենց հասցեին:
Հասմիկ Աբրահամյանը համոզված է` այդպես հարցեր չեն կարգավորում, այն էլ երկրի ղեկավարի մակարդակով: Նա պատմել է, որ երեխաների մտահղացման մասին վերջին պահին է իմացել և չկարողանալով մերժել` միացել է բացօթյա միջոցառմանը, հաշվի առնելով փաստը, որ իրենց գյուղում չկային ոչ կորոնավիրուսով վարակման դեպքեր, ոչ հիվանդների հետ շփում ունեցած անձինք:
Ըստ նրա՝ պահել են հակահամաճարակային կանոնները` կրել են դիմակ, հաճախակի ախտահանել են ձեռքերը: Ընդունում է իր սխալը, բայց չի կարող համակերպվել, որ սեպտեմբերի մեկն առանց իրեն պիտի տոնեն: 5-րդ դասարանից ստանձնել է դասղեկի պարտականությունները, իսկ 2020-2021 ուսումնական տարում պիտի իր աշակերտներին աջակցեր բուհ ընդունվելու գործընթացում։
English
Русский
